ADVERTISEMENT

Profesór Kontratadu Kontinua ‘Halerik’ Rezolve Probela iha Ministériu Edukasaun

Liduway Xavier - Edukasaun
  • Share
Profesór kontratadu realiza konferénsia ba imprensa iha jardin 5 de Maio.

DILI, (timorpost.com)— Profesór kontratadu kontinua halerik no husu ba Presidente Repúblika, José Ramos Horta, Primeiru Ministru, Kay Rala Xanana Gusmão, Prezidente Parlamentu Nasionál, Maria Fernanda lay, Provedoria Direitu Humanu no Justisa (PDHJ) no sosiedade sivíl hotu hodi solusiona problema profesór kontratadu nian iha Ministériu Edukasaun.

“Ami husu ba eselénsia Primeiru Ministru, señor. José Alexandre Kay Rala Xanana Gusmão, nu’udar Xefe IX Governu Konstitusionál, lider rezistěnsia no lider nasionál hodi bolu eselénsia Ministra Edukasaun, Eselénsia Sekretáriu Estadu no reprezentate profesór kontratadu tinan 2022-2023 atu tuur hamutuk no halo diskusaun profunda hodi solusiona problema ne’ebé daudaun ne’e akontese iha Ministériu Edukasaun”, Kordenadór profesór kontratadu, Selestino Julio Belo, informa ba jornalista sira liuhosi konferénsia ba imprensa iha jardin 5 de Maio, Segunda, (26/02).

ADVERTISEMENT
SCROLL FILA BA NOTISIA


Lee Mós :
ESG 05 Maiu "Butuk" Estudante 74 Iha Sala Ida

Nia hatutan “Husu ba eselénsia Primeiru Ministru, señor José Alexandre Kay Rala Xanana Gusmão, nu’udar Xefi IX Governu Konstitusionál atu labele konsidera no akuza profesór kontratadu tinan 2022-2023 hanesan fali eselénsia nia adversáriu polítiku, maibé loloos ne’e eselénsia konsidera profesór sira ne’e hanesan eselénsia ninia povu no ninia oan, basá profesór sira ne’e kontinua ona eselénsia ninia luta durante ne’e liuhosi hanorin voluntariamente iha eskola sira iha teriotóriu Timor-Leste”.

Lee Mós :
ME Esforsu Rezolve Konstrusaun EBF Fatudada

Husu mós ba Xefe Estadu atu ajuda Governu Konstitusionál da-IX liuliu Ministériu Edukasaun hodi solusiona situasaun ne’ebé daudauk ne’e akontese Ministra Edukasaun ho profesór kontratadu sira liuhosi dalan diálogu, basá diálogu mak dalan di’ak liu hodi solusiona problema. Husu mós ba Prezidente Parlamentu Nasionál atu ko’alia ho Ministra Edukasaun no Sekretáriu Estadu hodi solusiona problema profesór kontratadu nian, tanba Prezidente PN nu’udar reprezenta povu iha PN, iha kompeténsia no autoridade hodi rezolve.

Lee Mós :
Manuel Verdial, Regra Sai Xave ba Kualidade Eskola

Aleinde ne’e, profesór kontratadu sira husu mós ba líder relijiaun sira, PDHJ sosiedade sivíl, veteranu no entidade hotu atu sai medidór hodi halo mediasaun ba problema entre Ministériu Edukasaun ho profesór kontratadu sira, nune’e bele solusiona situasaun ne’ebé daudaun ne’e akontese iha Ministériu Edukasaun hodi labele fó impaktu ba sistema edukasaun iha Timor-Leste.(*)

 1,221 total views,  24 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Profesór Kontratadu Kontinua ‘Halerik’ Rezolve …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No