ADVERTISEMENT

Governu Apoiu Fundu ba Reabilitasaun Igreja Katedrál

Mateus da Cruz - Edukasaun · Jeral
Jornalista : Amelia Babo
Editor : Orlando Oqui
  • Share
Padre Paulus Maya

DILI (timorpost.com) Igreja Katólika hetan fundu husi governu liuhusi Ministériu Administrasaun Estatál (MAE) hodi kontratu kompañia BTL Unipesoal LDA atu halo reabilitasaun ba igreja Katedrál.

Padre Parókia igreja Katedrál, Padre Paulus Maya, hatete, apoiu ida ne’e hodi prepara ba amu Francisco ne’ebé tuir planu mai vizita Timor-Leste iha fulan Agostu nia laran hodi lori pas hakmatek mai iha Timor-Leste atu hadook-an husi konflitu oi-oin.

ADVERTISEMENT
SCROLL FILA BA NOTISIA


“Tanba ne’e ami hetan fundu husi governu no Dioseze mós tau osan uitoan hodi halo reabilitasaun ba igreja Katedrál daudaun ne’e la’o hela, tanba uluk Dioseze mós hanoin tiha ona halo reabilitasaun ba Igreja Katedrál,” Padre Paulus Maya hateten ba Timor Post iha nia knaar fatin Katedrál, Kinta (22/02).

Lee Mós :
APS Realiza workshop Kona-ba Tabletop Exercise

Tanba reabilitasaun iha tinan 2008 – 2009, nune’e kondisaun Igreja balun aat, tanba ne’e Arkidioseze Dili planeia ona atu halo reabilitasaun ba igreja sura ne’e.

Amu pároku ne’e esplika, halo reabilitasaun ba iha igreja Katedrál ne’e tanba simu rekomendasaun husi ema nian katak, igreja kada tinan 10 tenke halo reabilitasaun, maibé, liu tiha tinan 14 mak sira foin halo reabilitasaun ba igreja refere atu nune’e kondisaun labele aat liu ka grave liu.

“Tanba ne’e mak tinan ne’e ita planu atu halo reabilitasaun konkretiza duni agora daudaun ne’e la’o hela no hetan mós apoiu fundu husi governu, maibé labele fó sai fundu reabilitasaun igreja Katedrál nian ba iha públiku,” padre ne’e hateten.

Lee Mós :
Díli com 11 casos de dengue desde início do ano

Enkuantu, tuir kontratu ne’ebé igreja ho kompañia nian katak, halo reabilitasaun ne’e hahú iha fulan Janeiru to’o Jullu, finaliza hodi entrega ba iha Dioseze hodi entrega ba igreja Katedrál atu prepara ba kondisaun di’ak hodi bele simu amu Papa Francisco ne’ebé mai vizita Timor-Leste.

Tanba ne’e mak ekipa komisaun forma husi igreja no governu hahú enkontru hamutuk hodi halo preparasaun no mós reabilitasaun ba igreja, ne’e hola parte ba preparasaun simu amu Papa mai vizita Timor-Leste iha fulan Agostu tinan ida ne’e nia laran.

Iha sorin seluk, traballadór kompañia BTK LDA, Adolfo Martins, hatete, hahú servisu iha fulan Janeiru sei termina iha fulan Jullu atu nune’e entrega ba Dioseze no igreja Katedrál hodi nune’e prepara para simu amu papa ne’ebé mai vizita Timor iha fulan Agostu nia laran.

Lee Mós :
PAM Aileu Akomoda Aileba Ninia Susar

“Ami garante katak iha fulan Jullu ne’e termina ho reabilitasaun ne’e tanba kompañia ne’ebé halo reabilitasaun igreja ne’e iha tinan 2009 no agora halo tan reabilitasaun no enjeñeiru ne’e ema bapa hotu ami ho Timoroan uitoan de’it sira nia material konstrusaun ne’e kompletu no modernu fasil atu fasilita ami lalais halo servisu,” nia hateten.

 2,403 total views,  18 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Apoiu Fundu ba Reabilitasaun Igreja Kat…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No