DILI (Timorpost.com)—Durante ne’e mosu polemika barak iha Ministeriu Edukasaun (ME) ligadu ba estatutu professor kontratadu sira no intepretasaun ba dekretu Lei, tanba ne’e ohin Professor Kontratadu ofisialmente entrega karta ida hodi hodi husu audensia ho Ministra Edukasaun.
“Objetivu entrega Karta hodi husu audensia ho Ministra Edukasaun tanba hatene katak durante iha fulan hirak nia laran, iha polinika no informasaun oioin kona ba estatutu professor kontratadu 2023”. Dehan representante professores kontratadu, Selestino Julia Belo, ba jornalista Sira iha Ministeriu Edukasaun, Tersa (14/11).
Nia hatete, husi polemika sira ne’e, mak “ami profesor kontratadu 2023 entrega karta ida ofisialmente husu audensia ho Ministra hodi Koko tur hamutuk atu buka solusaun ba situasaun ida ne’e.
“Durante ne’e tantu profesor kontratadu no Ministra rasik sempre liu husi media de’it, tanba ne’e ohin ami mai entrega karta direita ba ministeriu edukasaun hodi husu Ministra Edukasaun nia sujestaun atu bele halo audensia nakloke ida ba buka solusaun”.
Problema hotu atu hetan solusuan presiza tur hamutuk halo dialogu hodi rezolve ba situasaun ne’ebe mak agora daudauk akontese.
“Ita hein katak audensia ne’e bele iha solusaun di’ak, maibe karik la iha solusaun ne’ebe mak diak sei iha dalan atu buka rezolve”.
Nia hktuir, Ita Presija buka justisa ne’e tau lolos. Tanba durante tinan barak Professor kontratadu sira volontariu tinan sanulu resin, nunka mais ejize buat ida depois iha tinan ida ne’e mak foin ejize, ne’e signifika iha lei balun ne’ebe mak bele garante katak tenki la’o tuir dekretu lei ne’ebe mak iha”.
Agora intepretasaun ba dekretu Lei ne’e tuir ida-idak nia versaun, balun dehan kontratadu Ida tuan ne’e mak bele ingresu espesial, kontratadu foun lae.
Tamba ne’e iha versaun ida ne’e presija tur hamutuk ho Ministra edukasaun atu diskute, professor kontratadu mos presija atu entende saida sira bele hola parte,nune’e presija esplikasaun Konaba dekretu Lei ne’ebe iha, karik seidauk iha solusaun ami sei tenta nafatin liu husi dalan legal nune’e bele hetan solusaun di’ak bele fo satisfasaun ba professores kontratadus sira. Atu sira mos bele hala’o servisu ho boavontade.
14,785 total views, 3 views today
Bele hare Video Seluk :
Subscribe to Timorpost
