Dili(timorpost.com)—Vise Prezidente Bankada Kmanek Haburas Unidade Nasionál Timor Oan (KHUNTO), António Verdial, hatete povu mak hili reprezentante sira ba tuur iha Parlamentu Nasionál, tanba ne’e povu nia lian sei la monu ba rai.
Nia dehan, bataila politika iha terenu hatu ona, liliu ba povu Timor Leste tomak katak ida ne’e mak desizaun koletivu maioria no desizivu hosi povu Timor Leste ne’ebé bankda KHUNTO hatete de’it katak, hakarak partisipa iha prosesu Dezenvolvimentu iha area hothotu.
“Bankada KHUNTO sai nafatin opozisaun no defende nafatin lian militante no simpatizantes ne’ebé delega kopetensia, haruka ami mai tuur iha uma fukun PN, tanba ne’e povu sira nia lian ami sei la husik monu ba rai”, António Verdial, dehan ba Jornalista sira iha Bankada KHUNTO, Sesta (30/06).
Hodi bankada KHUNTO nia naran tatoli lia murak ba militante no simpatizante iha territóriu laran tomak katak, imi nia lian sei la monu iha rai, imi nia halerik reprezentante povu sei defende nafatin iha Uma Fukun PN.
“Hanesan ita hotu hatene katak Órgaun soberania haat kompostu hosi Prezidente Repúblika, Parlamentu Nasionál, Governu no Tribunál Rekursu, órgaun haat ne’e la manda malu, maibé independénsia ba malu no serbí Estadu nune’e bele lori povu ba moris di’ak.
Tanba ne’e, hanesan deputadu lakoi interven liu ba orgaun ezekutivu nian, maibé hanesan reprezentante iha uma fukun hosi bankada KHUNTO hatete de’it katak, ba nai ulun ezekutivu se de’it, favor boot ida fihir ba Timor oan tomak, la-bele haree hosi koor partidu, maibé hatuur ema tuir nia fatin ne’ebé mak nia hatene no komprende hodi servisu ba nasaun no povu Timor tomak.
Aleinde ne’e, Vise Prezidente Bankada Frente Revolusionariu Timor Leste Independensia (FRETILIN), David Dias Ximenes (Mandati), dehan ida manan ida lakon, ida lakon ne’e mós bele dehan, tanba nia governu mós iha, ida manan ne’e fó vitoria ba ida lakon ne’e, governu ne’e sei ba ema hotu.
“Espetativa di’ak, kuandu iha aat ruma mak foin ita bele kritika, ema foin mak atu sae ba mós ita atu kritika kedas ne’e la-bele”, Vise Prezidente Bankada Fretilin, ne’e dehan ba Jornalista sira iha Komisaun B.
Nia hatete, ema ne’ebé iha kapasidade mak ema ne’ebé mak rekoñese nia sala no simu sala sira ne’e mak makaas, ida manan manan de’it ne’e lae, aseita no hatene nia-an katak, lakon ne’e mak ema ne’ebé mak fuan boot.
1,383 total views, 3 views today
Bele hare Video Seluk :
Subscribe to Timorpost
