DILI (timorpost.com)—Embaixada Japaun iha Timor-Leste ohin asina kontratu ho Fundasaun Many Hands One Nation (MAHON) no mós Fundasaun Francisco Assisi Fatuberliu ba konstrusaun edifísiu eskola rua (2) kompostu sala haat, inklui sala profesores ida.
Konstrusaun eskola refere sei hala’o iha Munisípiu Covalima no Manufahi.
“Ida ne’e meius ida oinsá ajuda rezolve problema ba edukasaun iha rai ida ne’e. Ita apresia ho konstrusaun boot ida ne’ebé oferese husi governu Japaun liu husi nia embaixada iha Timor-Leste”. dehan Ministra Edukasaun Dulce De Jesus Soares, hato’o asuntu ne’e ba jornalista Sira iha edifísiu embaixada Japaun, Segunda (04/12).
Ministra Dulce haktuir, ohin loron eskola iha territóriu nasionál barak mak sei enfrenta sala de aula no sei menus tebes.
“Ko’alia kona ba infraestrutura eskolár ne’e la’os buat ida ke fasil, no mós hare iha programa IX Governu konstitusionál, presiza halo tan 1.500 sala de aula, ho ida ne’e ohin ita hetan apoiu sala de aula haat ba eskola publika ida, sala de aula tolu no sala profesores ida ba Fundasaun St. Francisco Asissi Fatuberliu-Manufahi”. Ministra haktuir.
1,161 total views, 3 views today
Bele hare Video Seluk :
Subscribe to Timorpost
