DILI (timorpost.com) – Mimba ho lian latina Azadirachta indica A. Juss, mak ai-tahan ne’ebé kategoria ba ai-horis Herbaceous, Hanaran ho liafuan simples herbal.
Tuir istória katak, ai-horis ne’e hetan dahuluk iha Hindustania Madhya Pradesh, Índia. Ai-horis ne’e moris iha rai-tetuk, tropikus no rai-maran, ho distansia rai-a’as ou elevasaun 300 m husi tasi.
Ai ne’e ninia benefisiu bele kura moras laran no li’ur, hanesan tuir mai ne’e:
Isin moras, Isin katar, Anti bakteria, Kanek oi-oin “antiseptik”, Anti susuk, Nihan moras, Ibun i’is dois “bad breath”, fisur/Borbullu “pimple” no Reumatismu.
Iha maneira oin rua, bele hili alternativu ida tuir ida-idak nia hakarak; (1) nono mimba tahan liman isin ualu ho bee litru 3.5, husik nakali to’o minutu sanulu, kahur ho bee malirin litru sanulu, bee morna ne’e uza hodi haris, bainhira haris hotu ona taka kedas manta ou lensor to’o kosar sai.
Maneira (2) deut hamutuk mimba tahan liman isin ida ho ailea pedasuk rua, taka ba’a katar ou kaskadu, kanek (sei hadok lalar no hamate ular iha kanek laran) no mós reumatismu.
Hatutan opsaun segundu, ai-mimba tahan ne’ebé deut ona ho kuantidade liman isin rua, tau baa tanki bee ” 1/2 metru kuadradu” bele hamate susuk “larva” ne’ebé moris iha bee laran.
7,844 total views, 6 views today
Bele hare Video Seluk :
Subscribe to Timorpost
