Xina Apoiu PNTL Konstroi Sela Detensaun

by -439 views
Foto TP: Jaime Pires

Jornalista Jaime Pires / Editór Noémio Falcão

Dili (Timor Post)—Governu Repúblika Popular Xina liuhusi nia embaixada iha Dili apoiu instituisaun PNTL konstroi sela detensaun no halo ona inaugurasaun iha loron Sesta (17/12/2021).

Sela detensaun ho kuartu haat konstroi iha fulan Outubru liuba ho osan hamutuk Dolar Amerikadu milaun ida ne’e inaugura husi Vise-Ministru Interior (V-MI), António Armindo ho Embaixadór Xina.

“Sela detensaun ne’e kuartu haat no bele hatama ema atus ida ba leten,” Vise-Ministru António ba jornalista sira iha Komandu Munisípiu Dili, Kaikoli hafoin serimónia inaugurasaun.

Nia dehan, governu iha atu halo dezenvolvimentu ba instituisaun sira ne’e, maibé la signifika katak governu tenke halo buat hotu-hotu, tanba bazeia ba orsamentu jerál estadu ne’ebé mak preve.

“Maibé balun ita husu apoiu ba ita nia doadores sira atu nune’e bele kompleta malu, tanba ida ne’e mak objetivu husi ita nia doadores sira iha Timor-Leste,” tenik Nia.

Tanba ne’e, governante ne’e hato’o agradesimentu ba governu Xina liuhusi nia embaxadór iha Timor-Leste, tulun ona governu Timor-Leste iha area oin-oin.

No More Posts Available.

No more pages to load.