Xanana Sama Hikas Iha Parlamentu Nasionál, Hasoru Komisaun “B”

by -8.016 views
Lider Nasional Kay Rala Xanana Gusmão hakat ba Komisaun "B", Sesta, 21/01/2022. (Foto Timor Post/Jaime Pires)

(Reportájen Jaime Pires/Editora Suzana Cardoso)

Dili (Timor Post) – Ohin Sesta (21/01/2022), Líder Nasionál Kay Rala Xanana Gusmão, hahú sama ain hikas iha Parlamentu Nasionál hodi halo audensai ho Komisaun “B”.

 

 

 

Surpreza-Prezidente Partidu CNRT, Kay Rala Xanana Gusmão ne’ebé durante krizi politika akontese, lahalo koneksaun ofisial ho Parlamentu Nasional, iha Sesta, (21/01/2021) fo surpreza ba públiku hodi vizita Komisaun “B” Parlamentu Nasional. Iha imajen ne’e Kay Rala Xanana Gusmão akompaña ho Deputadu Bankada CNRT, Aderito Hugo da Costa hakat ba odamatan Komisaun “B” nian. (Foto TP/Jaime Pires)

Lee Notísia Relevante: Somocho Husu Progresu Servisu Fronteira Maritima ba Xanana

Tuir informasaun ne’ebé mak Timor Post asesu, Kay Rala Xanana Gusmão  mai hasoru Deputadu sira iha komisaun “B”,  hodi ko’alia kona-ba prosesu negosiasaun fronteira Maritima.

Observasaun  Timor Post iha Parlamentu Nasionál, Líder Nasionál ne’e to’o iha Parlamentu Nasionál, maizumenus tuku 10:00 dadeer ne’e.

Tuun-Hafoin tuun hosi kareta privadu iha Parlamentu Nasional, Sesta, 21/01/2022, Kay Rala Xanana Gusmão hakat liu ba Bankada CNRT hodi hasoru malu ho Deputadu Bankada CNRT. (Foto Timor Post/Jaime Pires)

Hafoin tuun hosi kareta, Kay Rala Xanana Gusmão, hakat kedas mai iha Bankada CNRT nia fatin  hodi konversa uluk ho Deputadu Bankada CNRT sira. Hafoin hakat liu ba Komisaun “B”, simu direta hosi Prezidente Komisaun B, José Agostinho Sequeira Somocho, sira hamutuk hakat tama ba sala komisaun “B” hodi hahu enkontru.](Lee Notísia Seluk Iha Jornál Timor Post/asesu you tube timor post hodi hetan informasaun seluk)

No More Posts Available.

No more pages to load.