Xanana Husu Povu Matan Moris Tanba Ema Komesa Lori Kilat Ameasa Sidadaun Sira

by -1.111 views
Prezidente Partidu CNRT, Kay Rala Xanana Gusmão

(Reportajen Jaime Pires/Editor Mateus da Cruz)

Dili (Timor Post)— Prezidente Partidu CNRT, Kay Rala Xanana Gusmão, husu ba sidadaun sira atu matan moris tanba ema komesa lori kilat tama sai Bairru hodi ameasa povu.

“Agora ema ho sivil iha Dili laran no iha Timor laran tomak uza kilat hodi ameasa komunidade sira, tanba ne’e ha’u husu ba sidadaun hotu tenke matan moris,” dehan Nia liuhusi nia intervensaun iha Kampaña Kandidatu Prezidente Repúblika, ho númeru sorteiu (1), José Ramos Horta, iha Tasi-Tolu Tersa (12/04).

Nia husu ba sidadaun tomak no apoiante sira husi Kandidatu Prezidente Repúblika José Ramos Horta nia, atividade fila husi kampaña labele provoka ema no tenke fila ho kalma.

“Foin akontese maibé iha primeiru ronde kedas sira ho kilat ameasa sentru votasaun iha Fomentu no mós iha Bekora, iha loron ida ka rua liubá sira komesa oho ona Koordenadór PD ho tudik iha Munisípiu Ermera,” nia hatete.

Nune’e lider karizmátiku ne’e kontinua husu ba sidadaun tomak lalika pániku no lalika ta’uk, kontinua mantein dixiplina hodi ba votasaun hili númeru (1), maibé labele halo provokasaun.

“Agora sira ho sivíl ho kilat tama sia hodi ameasa sidadaun sira ha’u hatene, no iha Dili sira hela iha ne’ebé mós ha’u hatene, tanba ne’e husu ba imi mantein dixiplina, lalika halo provokasaun no sadik ema seluk,” nia subliña.(Lee notisia seluk iha Timor Post/Asesu You Tube Timor post)

No More Posts Available.

No more pages to load.