Xanana Husu Horta Dizolve Parlamentu Karik Manán Iha Eleisaun Prezidensiál

by -5.021 views
Xanana Ofisialmente Deklara Apoiu Ramos Horta ba Kandidatu PR hatudu brosur konfresista sira hodi lori brosur ida ne'e hodi fasilita durante Kampañe

(Reportájen Jaime Pires/Editora Suzana Cardoso)

DILI (Timor Post)– Prezidete Partidu CNRT, Kay Rala Xanana Gusmão husu ba José Ramos Horta, karik manán iha eleisaun prezidensiál atu dizolve kedas Paralemntu Nasionál.

Nia dehan lia hirak ne’e liuhusi nia diskursu, iha konferensia Nasionál Partidu CNRT, ne’ebé mak deside ona Premiadu Nobel da Paz, José Ramos Horta sai kandidatura ba partidu CNRT hodi Kompete ho Kandidatura sira husi Partidu seluk.

“Ha’u husu ba José Ramos Horta, karik manán sai prezidente karik, ami husi Dizolve kedas Parlamentu Nasionál, no muda hotu sistema sira ne’ebé mak agora iha,” dehan Nia iha Salaun OKA Osindu I, Domingu (23/01).

Nia reforsa, tanba dadaun ne’e preokupasaun povu tomak no partidu CNRT nia mak, Prezidente Repúblika agora viola Konstitusaun no muda hotu ona sistema sira ne’e.

“Ha’u mós husu, karik manán mós tenke kolabora ho Partidu CNRT, hodi deside sese mak atu ba tuur iha Palásiu Prezidensiál, Aitarak-Laran hamutuk ho José Ramos Horta.

Nia subliña tanba sistemat sira agora ne’e, la’ós sistemat partidu CNRT nia, no partidu CNRT iha sistemaa no vizaun Misaun polítika rasik.

“CNRT, iha nia vizaun no Misaun polítika rasik, tanba ne’e mak sai husi koligasaun ne’e, ne’ebé manán karik tenke dizolve Parlamentu Nasionál, no muda hotu sistema sira ne’ebé agora iha,” Nia hakotu.

Hafoin deside CNRT, nia kandidatura mak José Ramos Horta, kuadrus no militantes inklui CPN-CNRT sira hamriik hodi fó basa liman maka’as ba José Ramos Horta, ne’ebé mak hamriik iha Kay Rala Xanana Gusmão nia oin hodi dehan, Vivava Ramos Horta no viva partidu CNRT.(Lee Notísia seluk iha Jornál Timor Post/Asesu You Tube Timor Post)

No More Posts Available.

No more pages to load.