Xanana Hato’o Obrigadu Ho Tanis, Armindo Halot Iha Rate Manleuana

by -348 views
Prosesu Hakoi Mate Isin Armindo Borges Iha Rate Manleuana, Kinta, (15/4/2021) Foto TP/Lili

(Reportájem Suzana Cardoso)

DILI (Timor Post) – Sentru Integradu Jestaun Krize no Sala Situsaun (SIJK) foti ona desizaun hodi entrega mate isin Covid-19, Armindo Borges ba família iha Loron Kinta, (15/04/2021).

“Benvindu. Ami maka ne’e. Ami laos kontra imi. Ami laos atu hatuun imi. Ita hakarak koopera ba malu nafatin. Ami prontu ajuda imi husi kotuk para iha situasaun diak. Ne’ebé ami agdradese.”

Hateten Lider Karismatik, Kay Rala Xanana Gusmão ba ekipa SJIK ne’ebé lidera husi dr. Rui de Araújo hodi intrega mate isin Armindo Borges ne’ebé mate desde Domingu, (11/4/2021) kalan Iha Sentru Izolamentu Vera Cruz.

Hafoin ho halimar basa dr. Rui nia hasan Xanana hateten, ne’e asaun sivika dame. Laos ho intensaun atu hatun malu. Laos mós ho itensaun atu manan malu. Hotu-hotu hein desijaun klaru.

Xanana mós agradese teb-tebes ba SJIK nia kumpriendesaun, pasiensia no vontade diak ba familia matebian hodi hakotu dezintendementu ne’e. Entre fiar no la fiar no intrega ona mate isin Armindo.

Hateten Xanana, husi fiar no lafiar ne’e maka tenki servisu hamutuk hodi fiar malu. Nune’e prontu apoiu SJIK nia kotuk. Ita servisu hamutuk. Ne’e duni husu deskulpa karik atraplla it’oan imi nia hanoin sira ne’e. Hau senti solusaun ida ne’e maka hotu-hotu nia hakarak,” katak Xanana hodi husu deskulpa.

Dehan Xanana, laiha ida manan. Laiha ida lakon. Malaria ida karik ami la perkupa. Ne’e ita hotu nian. Prontu husi kotuk. Saida deit maka SJIK hatoo ba povu ne’e maka hotu-hotu nia forsa. Ami fiar metin. Hotu-hotu sei koopera malu. Obrigadu ba imi nia kumpriendesaun no imi nia pasiensia ba ami.

“Ne’ebé obrigadu tebtebes,” hateten Xanana hodi hatutan, “Ami laiha hanoin atu book ema ida. Laiha. Obrigadu-obrigadu. Ohin ita hotu nian ami hakarak apoiu imi obrigadu, obrigadu,” hateten Xanana ho tanis no taka liman ba ekipa SJIK.

Hamos hela matebeen Xanana hakilar ba hotu-hotu ne’ebé hobur iha Sentru Izolamentu Vera Cruz. “Seees. Seeees. Kaixaun atu liu.” Xanana mós husu ba familia sira labele tanis no lelir ba matebian Armindo Borges. Tenki respeitu nafatin protokolu saude nian.

Mate isin Armindo Borges to’o iha Bairru Moris Foun “B”, Suku Comoro maizu menus tuku 15:20 OTL. Antes atu lori tama ba uma laran, halo uluk dezinfekta maka foin lori tama rai iha meja leten.

Iha tuku 16:00 OTL Xanana husu para lori sai ba halot ona iha fatin ne’ebé familia sira prepara  iha rate Manleuana maizu menus iha tuku 17:00 OTL. Prosesu halot mate isin Armindo ne’e nafatin ho prosedur protokolu prevensaun Covid-19 husi Ministeriu Saúde. (***)

No More Posts Available.

No more pages to load.