Xanana Fila husi Jakarta ho Aviaun Zet Privadu

by -76 views

Timor Post (28/11/2020)—Líder Nasionál Kayrala Xanana Gusmão, tuir planu fila husi Jakarta-Indonézia to’o Dili, ohin, maizumenus oras tuku 12:30, hafoin ba hala’o tratamentu saúde (Check Up) iha ospitál militar Gatot Subroto.

Xanana sei tún iha Aeroportu Internasionál Nicolau Lobato, Komoro, Dili ho Aviaun Zet Privadu ne’ebé offerese husi Indonézia.

Fonte Timor Post haktuir, to’o iha Aeroportu-Dili, Xanana sei ba kedas nia rejidénsia hodi kumpri auto kuarentena ba prevensaun moras daet COVID-19.

Durante Xanana iha Jakarta, Lider Nasional uza mós oportunidade ba vizita Ministra Negosiu Estranjeiru Indonesia, Retno Lestari Priansari Marsudi hodi ko’alia kona-ba relasaun Timor Leste ho Indonezia.

Xefe Negosiador Prinsipal Fronteira Maritima Timor Leste ne’e mos ko’alia ho Ministra Retno kona-ba fronteira rai entre nasaun rua ne’ebé sei iha pontu balun pendente.

Semana kotuk, Xanana semo ho aviaun Zet Privadu ba hala’o tratamentu saúde.

Rejultadu tratamentu ba Xanana la’o ho susesu no saúde di’ak tebes. (cao)

No More Posts Available.

No more pages to load.