Vitima Inundasaun Rihun Rua Resin Seidauk Simu Apoiu

by -360 views
Sekretáriu Estadu Protesaun Sivil, Joaquim Gusmão

(Reportajen Jaime Pires/Editor Mateus da Cruz)

DILI (Timor Post)- Akontesimentu dezastre naturais  iha loron 4 fulan Abríl tinan kotuk, governu liu hosi Sekretáriu Estadu Protesaun Sivíl (SEPS), apoiu ona material konstrusaun ba vítima rihun tolu no sei hela vítima  rihun rua resin maka seidauk.

“Akontesimentu inundasaun 04 de Abríl ne’e estraga uma kain rihun lima resin, tanba governu prevee osan ba rihun tolu de’it, entaun ita konsege fó ona ba rihun tolu, hela uma kain rihun rua resin mak seidauk simu,” dehan Sekretáriu Estadu Protesaun Sivil, Joaquim Gusmão iha Farol, Segunda (25/04).

Nia hatete, ba vítima sira ne’ebé seidauk hetan apoiu, agora prosesu la’o hela no iha tempu besik sei hetan apoiu sira ne’e.

“Agra Primeiru Ministru mós autoriza hodi bele loke prosesu ida tanba montante ba material konstrusaun ne’e liu millaun ida, tanba situasaun ne’e ita sei adiahela ita nia komunidade sira ne’ebé mak afetadu iha tinan kotuk,” tenik nia.

Tanba ne’e Primeiru Ministru autoriza ona hodi halo selesaun ba Kompañia lokál sira hodi fó adjudikasaun direta atu bele fó apoiu lalais ba komunidade sira ne’ebé mak seidauk hetan material konstrusaun.(Lee Notísia Seluk Iha Jornál Timor Post/Asesu You Tube Timor Post)

No More Posts Available.

No more pages to load.