Vítima ba Kazu Topu Honis Tanis no Halerik Bainhira Polísia Lori Richard Dasbackh ba Prizaun, Defeza sei Halo Rekursu

by -8.380 views
Foto Espesial

Oekusi (Timor Post)—Vítima ba kazu orfonatu Topu Honis tanis no halerik tuir Eis Padre Amerikanu Richard Dasbackh bainhira polísia lori ba prizaun preventiva.

Vítima sira ne’ebé tanis no halerik defende katak Richard Dasbackh la sala, maibé deizaun tribunál rejiaun Oekusi foti desizaun bazeia ba prova sira ne’ebé durante ne’e rekolla.

Lee Notisia Relevante: Desizaun Finál ba Kazu Topu Honis, Xanana Hamutuk ho Vítima no Eis Padre RD iha Tribunál

Defeza husi Richard Dasbackh iha entrevista ho Jornalista sira haktuir, vítima sira nia deklarasaun antes iha tribunál rejeita akujasaun hasoru Richard Dasbackh maibé ikus mai lezada na’in-haat nia deklarasaun tribunál konsidera provadu.

“Ida ne’e de’it maka tribunál kondena arguidu prizaun tinan 12,” Advogadu Miguel Faria subliña.

Lee Notisia Relevante: Tribunál Deside Kadeia Tinan 12 ba Eis Padre Richard Dasbackh

Nia parte la simu desizaun tribunál nian no sei koordena ho arguidu no família sira hodi halo rekursu.

“Depoizde ami simu leitura akordaun, ami sei kooordena ho família, sira asrama (orfonatu) no arguidu, sei halo rekursu,” Miguel Faria hatutan.

Haree ba konviksaun tribunál nian, Richard Dasbackh hanesan sidadaun amerikanu no naturalizasaun Indonézia, tanba risku ba perturbasaun maka tribunál aplika prizaun preventiva ba arguidu.

Lee Notisia Relevante: Kandidatura Prezidente Repúblika Milena Pires nia Pozisaun Kona-ba Kazu Topu Honis

Tribunál Rejiaun Autónomu Espesiál Oekusi Ambeno (RAEOA), Tersa (21/12/2021) foti ona desizaun kadeia tinan 12 ba eis Padre Amerikanu Richard Dasbackh.

Juisa Yudit Pamungkas maka lee sai desizaun ne’e no aisti husi Líder Nasionál Kayrala Xanana Gusmão, vítima husi kazu ne’e no kondenadu Richard Dasbackh.

Líder Nasionál Kayrala Xanana Gusmão hamutuk ho vítima sira marka prezensa iha Tribunál Rejiaun Autónomu Espesiál Oekusi Ambeno (RAEOA) hodi akompaña desizaun finál kona-ba kazu relasaun seksuál (pedofilia) ne’ebé deskonfia komete husi eis Padre Amerikanu Richard Dasbackh.

Observasaun haktuir, vítima sira la’o tuir Xanana tama ba tribunál no arguidu Richard Dasbackh akompaña husi advogadu sira túr iha odamatan sala audénsia nian hodi hein juis anúnsia desizaun finál ba kazu ne’e.

Richard Dasbackh hetan akuzasaun husi Ministériu Públiku komete relasaun seksuál hasoru labarik menoridade sira iha orfonatu hanaran Topu Honis ne’ebé nia rasik mak harii dezde tempu Indonézia.

Maske nune’e, durante julgamentu Richard rejeita total akujasaun hirak ne’e.

Xanana inklui mos iha kazu ne’e tanba simu relatóriu investigasaun husi Komisaun Justisa i Paz (KJP) Dioseze Dili nian kona-ba kazu ne’e, ne’ebé konsideradu viola segredu justisa. Tanba ne’e, organizasaun hanaran JU,S (Juridiku Sosial) lori prosesu ba Tribunál Distritál Dili (TDD) no autór sira produz relatóriu ne’e inklui Padre Hermínio Fátima Gonçalves, José Cardoso Moreira, Andre Gonçalves no Libania Martins Amaral sai arguidu.

Durante julgamentu arguidu Padre Hermínio rekoñese fó duni kopia relatóriu ne’e ba Xanana no fó mos ba Padre sira iha kongregasaun SVD iha Kuluhun, Díli, hodi halo tradusaun ba lian Inglés. Maibé kona-ba publika ba publiku nia rasik laiha koñesimentu.

Padre Herminio ho nia ekipa hetan autorizasaun verbal husi Bispu Dioseze Dili, Don Virgílio do Carmo da Silva mak ba Oekusi hodi halo investigasaun kona-ba keixa sira visum obrigatóriu ba labarik sira no produz relatóriu, maibé ikus mai Don Virgílio rasik demite Padre Herminio nu’udar Diretór ba KJP bainhira JU,S lori prosesu ba TDD.

Kona-ba prosesu ida ne’e, TDD sei rona mos Xanana nu’udar sasin molok foti desizaun finál.

Entretantu Xanana iha entrevista ho jornalista sira subliña, nia akompaña di’ak kazu ne’e no fi’ar lia loos ne’ebé tribunál hatúr no kondena maka’as pessoal no organizasaun sira ne’ebé halimar foer iha kazu ne’e. (cao)

No More Posts Available.

No more pages to load.