Vise Ministru Interior Rekonese Membru PNTL nia Oan kontra Bandu iha Fronteira

by -86 views

Timor Post (22/09/2020)-Vise Ministru Interior, Antonio Armindo, rekoñese, iha duni oan hosi Oknum Polísia Nasionál Timor-Leste involve grupu arte marisias no liuhosi dalan Ilegal hasa’e “Sabuk” iha Atambua Indonézia.

“Sim kazu ne’e loos duni iha membru PNTL balu ke ninia oan ba sa’e sintu iha sorin, la’ós tanba sira hasa’e sintu ne’e maka sai problema ne’e, maibé problema ne’e maka kuandu ba sorin (Atanbua) Ilegal maibé tama fali mai obrigatoriu tenke ba kuarentena, tanba ita nia problema ne’e maka pandemia Kovid-19 ne’e, ita lakohi atu da’et”, afirma Governante iha entrevista iha edifísiu MI Villa Verde, tersa,(22/09).

“ita rona katak nia (Oknum Polísia-red) la haruka nia oan ba kuarentena entaun ita orienta Komandu Munisípiu Dili para ba foti iha uma,” haktuir Antonio.

Relasiona ho asuntu ne’e membru Governu informa MI, orienta ona Komisáriu Polísia para atu halo investigasaun kona-ba ida ne’e.

“Investigasaun hahú daudaun ona depois ita hein rezultadu”, revela Vise Ministru.

Entretantu família Oknum membru PNTL ne’e refere halo viajen ba tiha Kupang Indonézia fila fali mais subar-an de’it la tama Kuarentena no preokupasaun sidadaun hotu nian.

Ho ida ne’e Governante realsa bainhira iha investigasaun prova duni oknum Polísia Nasionál la kumpre regra estadu emerjénsia Polísia ne’e rasik sei hetan sansaun.(Jornalista: Jaime Pires)

No More Posts Available.

No more pages to load.