Vise Ministra Sara Lobo fó Informasaun La Hanesan ho Nasoens Unidade Kona-ba Apoiu Subsídiu Uma Kain

by -280 views

DILI—Vise Ministra Finansas Sara Lobo Brites fó informasaun ba mídia sira la hanesan ho informasaun husi Nasoens Unidas iha Timor Leste kona-ba total osan ne’ebé apoiu ba subsídiu uma kain iha territóriu relasiona ho impatu husi atake pesti corona (COVID-19).

Iha Entrevista ho Jornalista sira hafoin reprejenta governu Timor Leste asina nota entendimentu ho Nasoens Unidas iha Timor Leste, Sara Lobo hatete, apoiu husi Nasoens Unidas hamutuk millaun $700 liu, inkuantu informasaun ne’ebé fó sai husi pájina ofisial Nasoens Unidas iha Timor Leste apoiu osan kuaze millaun ida de’it.

Ho diferénsia informasaun ne’e, Timor Post kontinua halo hela konfirmasaun ho parte rua atu hetan klarifikasaun.

Entretantu iha entrevista Sara Lobo dehan, apoiu ne’ebe Nasoens Unidas oferese, governu Timor Leste sei gasta ba operasional. Liuliu fasilita funsionariu sira husi Ministeriu Solidariedade Sosial (MSS) tun ba entrega direita subsidiu iha suku no aldeia iha territoriu. (cao)

No More Posts Available.

No more pages to load.