Verifikasaun Dadus ba Subsídiu Jornalista Hotu Ona

by -88 views

Timor Post (06/06/2020)- Ministru Asuntu Parlamentu no Komunikasaun Sosiál (MAPKS), Francisco Jerónimo informa, prosesu verifikasaun ba dadus jornalista frontline iha períodu surtu COVID-19  remata ona.

“Em prinsípiu jornalista sira nia subsídiu ha’u akompaña hela, prosesu la’o hela, verifikasaun hotu ona, agora lista ne’e hotu ona atu haruka ba ona ba parte kompetente hodi foti desizaun atu halo pagamentu ba jornalista sira”, Ministru informa   ba jornalista sira hafoin remata reuniaun semanál ho Primeiru Ministru Taur Matan Ruak iha Palasiu Governu (06/07).

Eis deputadu FRETILIN rekoñese  tarde tanba lista barak maibé garante benefisiáriu sei iha direitu atu hetan.

“Tanba lista ne’e barak la halimar entaun ita verifika halo di’ak, presiza halo identifikasaun loloos atu nune’e, fó mós fó loloos ba ema ne’ebé mak iha direitu duni atu hetan”, dehan Ministru.

Atuál Prezidente Federasaun Futeból Timor-Leste (FFTL) ne’e hatutan prosesu la’o kuaze hotu ona hein de’it atu lori ka haruka ba iha ministeriu finansas.(Jornalista: Jaime Pires)

No More Posts Available.

No more pages to load.