Verifika Dadus Veteranu Rejistadu 2009

by -69 views
Sekretáriu Estadu Asuntu Kombatente Libertasaun Nasionál, Gil da Costa Monteiro “Oan Soru”

DILI (Timor Post) —Ministériu Asuntu Kombatente Libertasaun Nasionál (MAKLN) hahú halo verifikasaun ba dadus veteranus ne’ebé rejista ona iha tinan 2009.

Sekretáriu Estadu Asuntu Kombatente Libertasaun Nasionál, Gil da Costa Monteiro “Oan Soru”, hatete, ministériu halo ona anúnsiu ida katak aban (ohin) hahú ona atividade verifikasaun iha territóriu tomak ho durasaun loron atus tolu resin, maibé depende ba situasaun, tanba iha munisípiu balun aplika hela konfinamentu obrigatóriu.

“Ohin ha’u atu sai mai ne’e sira ne’ebá preparadu ona atu dezloka ba munisípiu, tanba tuir kalendáriu jerál ministériu nian ne’ebé en-koordenasaun ho Konsellu Kombatente Libertasaun Nasionál, verifikasaun la’o aban (read ohin)”, Oan Soru informa hafoin hasoru malu ho Primeiru Ministru Taur Matan Ruak, iha rezidensiál ofisial PM Faról, Segunda (02/08).

Oan Soru dehan, hafoin verifikasaun hotu, sei re-konfirma fila fali dokumentu sira, atu nune’e evita veteranu falsu.

“Ita labele hanoin dehan verifikasaun buat hotu loos ona, selae mak ema tula ibun nafatin veteranu falsu. Verifikasaun ne’e sei hahú husi segundu rejistu 2009, ita hakarak loloos ne’e 2019 no 2020 konklui, 2021 ita ko’alia buat seluk, maibé situasaun la hatán ida ne’e, entaun ita labele la’o”, Oan Soru afirma. (jry)

No More Posts Available.

No more pages to load.