USAID Apoiu Osan Millaun $5 ba MS

by -98 views
Imajen ne’e hatudu serimónia entrega no simu apoiu. Partisipa direta husi Ministra Saúde Odete Belo no Reprezentante USAID iha Dili, Thomas Datey. Foto Espesiál

Jornalista Jaime Pires / Editór Noémio Falcão

DILI (Timor Post)- United State Agency International Development (USAID), apoiu osan hamutuk millaun $5 ba Ministeriu Saúde (MS) hodi Kombate Covid-19 iha Timor-Leste.

Hafoin entrega no simu apoiu iha hato’o iha edifísiu Ministériu Saúde, Palásiu Das Cinzas, Kaikoli, Dili, Segunda (13/09/2021), Reprezentante USAID iha Dili, Thomas Datey subliña, ho total apoiu osan ne’ebé Estadu Unidus Amérika (EUA) liuhusi USAID oferese ba Timor Leste sura hamutuk millaun $5 hodi kombate COVID-19 iha nasaun ne’e.

“Millaun ida ohin ita fó ne’e ninia objetivu atu ajuda oferese informasaun ba ema sira ne’ebé mak sei dúvida kona-ba atu simu vasina,” Thomas subliña.

Nia parte orgullu tebes bele halo parseiru ho Governu Timor-Leste iha esforsu hodi kombate Covid-19, tanba iha Timor-Leste númeru vasina barak tebes kompara ho nasaun sira seluk.

Nia dehan, laiha nasaun ida mak nia esforsu hanesan Timor-Leste kona-ba vasinasaun, Timor-Leste nia nivel ka númeru vasinasaun di’ak tebes.

No More Posts Available.

No more pages to load.