UPF Prende Ró Ida Tanba Halo Transaksaun Sasán Ilegál

by -196 views

(Reportajen Jaime Pires/Editor Mateus da Cruz)

DILI (TimorPost) – Polísia Nasional Timor-Leste (PNTL) liu husi Unidade Patrullamentu Fronteira (UPF), halo patrulla la’o konsege deteta Ró Peskadór halo transaksaun ilegal ba minarai iha area fronteira Batugade, Postu Administrativu Balibo, Munisípiu Bobonaru.

“Horikalan madrugada ita nia membru Servisu Sekreta halo vijilánsia iha fronteira tasi ibun iha area Manuhaen Balibo nian no prende Ró Peskadór ida halo transaksaun ilegal hamutuk ho evidénsia sira mak hanesan, mina rai litru 35, masa hamutuk 12 no mós 20 litru masa 33, entaun total hamutuk masa 55 maka ita prende”, dehan Komandante Euclides Belo, liuhusi Via telefone, Kuarta, (11/05).

Euclides reforsa, membru sira la konsege kaptura sidadaun sira ne’ebé halo transksaun ilegal tanba sira konsege halai tiha bainhira membru sira to’o iha area tasi ibun.

“Agora dadauk na’in ba sasán sei deskoñesidu maibé evidénsia hirak ne’e asegura ona iha Kuartél UPF hodi halo prosesu no buka tuir suspeitu ne’ebé hatama Sasán liu husi dalan ilegál ne’e,” hakotu.(Lee Notísia Seluk Iha Jornál Timor Post/Asesu You Tube Timor Post)

No More Posts Available.

No more pages to load.