UPF Kaptura Sidadaun Indonézia Ida iha Mate Uman no Evakua Kedas ba Kuarentena

by -90 views

Timor Post (17/06/2020)—Polísia Unidade Patrulamentu Fronteira (UPF) kompañia Bravo Kovalima kaptura sidadaun Indonézia ho naran Grasiela tama illegalmente iha área jurídiku Timor-Leste, iha Suku Kasabauk, Postu Administrativu Tilomar, Munisípiu Kovalima, Tersa (16/06/2020).

Timoroan ne’e tama ho ilegalmente tanba nia Aman rasik hakotu-is iha Kovalima no hakarak mai partisipa serimónia funeral, maibé polísia halo tiha kapturasaun hodi evakua kedas ba kuarentena no iha loron Kuarta (17/06/2020) sidadaun ne’e labele partisipa iha serimónia funeral nia aman nian.

Timoroan ne’e moris iha Munisípiu Kovalima, maibé iha tinan 1999 mak ho família sira halai ba hela iha Betun Atambua no hili sai sidadaun Indonézia.

Afonso Sarmento nu’udar família husi sidadaun ne’e haktuir, bainhira nia tama mai parte família iha Munisípiu Kovalima mós hakfodak. I la kleur de’it polísia ba halo kapturasaun.

Enkuamtu iha loron ne kedas parte Saúde Munisípiu Kovalima halo desifekta ba Grasiela no lori kedas nia ba iha kuarentena hodi hein prosesu teste ba nia kondisaun hodi antisipa moras daet Corona.

Jornalista: Julio Salinas Soares

No More Posts Available.

No more pages to load.