UPF Kaptura Sidadaun Indonézia Ida Hatama Kilat Manu Ilegal

by -307 views
Sidadaun ida hosi Suku Beiseiuk, Aldeia Foho Lululik Postu Administrativu Tilomar, munispiu Covalima ne'ebé kontra lei iha Fronteira, UPF kaptura ona. (Foto kontributor Timor Post)

(Jornalista Jaime Pires/Editor Suzana Cardoso)

DILI (Timor Post)- Polísia Nasionál Timor-Leste (PNTL), liuhusi Unidade Patroliamentu Fronteira (UPF) kaptura sidadaun Indonézia ida ne’ebé mak hatama kilat manu ilegal mai Timor-Leste.

Tuir Komandante Unidade Patrolliamentu Fronteira (UPF), Superentendente Euclides Belo ba Timor Post liuhusi viatelefone, Domingu, (05/09) hateten, sidadaun Indonezia ne’e kaptura iha loron Sabadu ne’e.

“Horisehik Sabádu, (04/09), maizumenus, tuku lima loraik ita nia membru UPF  kaer sidadaun Indonézia ida, tanba hatama kilat manu ilegal ida mai iha fronteira terrestre entre Munisipiu Kovalima, Timor-Leste ho Kabupaten Atambua, Indonezia”, dehan Euclides.

Nia reforsa, UPF liuhusi Kompañia Bravo ne’ebé destaka iha Fronteira Kovalima Postu Foholuli ne’ebé lidera direita husi Komadante postu, kaptura sidadaun ne’e ho kilat manu ida iha tuku 17:50 loraik ne’e.

“Kilat anin ne’e ho modelu armas karega Tipu AESE 92 ne’e, ne’ebé ita kaer sidadaun ne’e inklui Armas ne’ebé nia lori ne’e”, tenik Nia.

Nia subliña, sidadaun ne’e UPF Kompañia Bravo kaptura iha fronteira iha area Mota Inuk Beko Mota Masin, foho entre Alas Ailala Indonézia ho Foholulik.

Euclides dehan, sidadaun Indonézia ne’e hela iha Foho Ailala Indonézia nia, no agora dadaun sidadaun Indonézia ne’e sira kaptura ho evidensia entrega ona ba iha Komandu PNTL Munisípiu Kovalima.

“Sidadaun Indonézia ne’e ita entrega ona ba iha Komandu PNTL Munisípiu Kovalima nia, inklui Armas ne’ebé mak ita prende hanesan evidensia ne’e hodi kontinua ba prosesu”, nia hakotu.(Lee notísia seluk iha jornál Timor Post)

No More Posts Available.

No more pages to load.