UPF Kaptura Ema Na’in-3 Tama Ilegal husi Fronteira

by -7 views

Timor Post (05/01/2021)—Unidade Polísia Fronteira (UPF) kaptura ona timoroan na’in-3 ne’ebé tama ilegal husi fronteira terrestre Salele Suai, iha Segunda, 04 Janeiru 2021.

Porta-voz Komandu Jerál PNTL, Superintendente Xefe Polísia Arnaldo Araújo ba jornalista iha kuartel jerál PNTL Kaikoli, Tersa (05/01/2021), haktuir, UPF asegura ona ema na’in-tolu ne’e iha kuarentena Kovalima hodi prevene moras daet Corona (COVID-19).

Arnaldo dehan, hafoin kumpri kuarentena, sidadaun hirak ne’e sei kontinua kumpri prosesu tuir lei ne’ebé vigor iha nasaun ne’e kona-ba áktu ilegal ne’ebé sira komete.

“Sidadaun na’in-tolu entrega ba kuarentena Munisípiu Suai nian, depois kuarentena sei halo prosesu ba sira tuir lei ne’ebé maka vigor ita nia rain,” Arnaldo subliña.

Jornalista Florindo Coluna

Editór Noémio Falcão