UNTL-WFP Renova Akordu Peskija Konjunta

by -400 views
Imajen ne’e hatudu Reitór UNTL, João Soares Martins (loos) ho Representante WFP Timor-Leste, Ash Rogesr (karuk) foto hamutuk hafoin asina akordu. Foto TP

Dili (Timor Post)—Universidade Nasionál Timor Lorosa’e (UNTL) ho World Food Program (WFP) renova akordu halo peskija hamutuk iha area nutrisaun no merenda eskolar. Objetivu ida ne’e atu hasa’e kapasidade estudante sira nian.

“Kooperasaun ne’e foku liubá hasa’e kapasitasaun estudante sira liuliu koñesimentu ba peskiza konjunta iha area nutrisaun ho merenda eskolár,” Reitór UNTL, João Soares Martins haktuir ba Jornalista sira hafoin asina akordu iha salaun konferénsia UNTL, Kaikoli, Dili, Kuarta (22/12/2021).

Nia dehan, kolaborasaun UNTL importante ba estudante liuliu merenda tanba lakleur tan sura mós forma família entaun sira bele hatene nutrisaun antes.

“Sira bele prevene oan sira husi problema malnutrisaun tanba iha Timor taxa sei a’as,” nia dehan.

Implementasaun ba programa ne’e parte sei diskuti klean tan, maibé estudante UNTL sira agora tun ona ba estájiu profisionál.

“Ami estudante sira sempre tun ona ba estajiu profisionál, entaun ida ne’e modalidade ida atu servisu hamutuk para bele ajuda WFP hodi habelar informasaun iha baze,” nia subliña.

Sikun seluk, Representante WFP Timor-Leste, Ash Rogesr haktuir, akordu ne’e foku atu hasa’e kapasidade liuliu peskiza nian. (ono)

No More Posts Available.

No more pages to load.