UNTL Organiza Semináriu Internasionál Linguistika no Kultural Transformasaun Manorin

by -833 views
Imajen ne'e hatudu partisipante iha seminariu internasional iha Salaun Auditoria UNTL. Foto TP: Mariano Do Santos

Jornalista Estajiáriu Mariano Do Santos / Editór Noémio Falcão

Dili (Timor Post)— Universidade Nasional Timor Lorosa’e (UNTL) liuhusi Departamentu Tetun realiza semináriu internasional lingustíku no kultural ba transformasaun manorin.

Semináriu ne’e hala’o iha Salaun Auditória UNTL, Tersa (23/11/2021).

Diretór Sentru Estudu Arte no Kultural UNTL, Vicente Paulino hatete, objetivu husi eventu ne’e atu promove traballu profesores no estudante sira liuliu língua.

Vicente haktuir, eventu ne’e departamentu Tetun mak organiza no konvida Sentru Kultura no Artes UNTL nian sai parseiru ba iha realizasaun eventu refere, no ninia objetivu mak

Peskijador ne’ebé mak aprezenta traballu iha eventu ne’e mai husi profesores departamentu dalen tetun no mos professores Brazileiru nian i professores Portuguese balun no professores husi departamentu seluk hanesan professores departamentu formasaun profesores, Departamentu Pre-Eskolar no husi Fakuldade Siensia Sosiais.

Entretantu Reitór UNTL, João Martins agradese ba Departamentu Lingua Tetun no Sentru Estudu Arte no Kultura (SEAK) tanba konsege organiza semináriu ne’e.

“Ha’u nia parabens no orgullu ba fakuldade no mos ba sentru kultura ne’ebé mak sempre ativamente organiza semináriu ohin ba dala lubuk ida,” Reitór hatete.

“Atu koñese transformasaun sira ne’e ita presiza halo peskiza para bele hatene mudansa saida mak akontese ona iha ita nia lingua no komunikasaun loro-loron tantu língua tetun, portugués no ingles,” Reitór João subliña.

No More Posts Available.

No more pages to load.