UNITAL Hala’o Judisium ba Finalista Na’in-86, “Siénsia Laiha Finalidade”

by -427 views
Foto TP: Mariano Do Santos

Jornalista Estajiáriu Mariano Do Santos / Editor Noémio Falcão

Dili (Timor Post)—Universidade Oriental Timor Lorosa’e (UNITAL), hala’o serimónia judisium estudante finalista na’in-86 husi Fakuldade Enjenaria.

UNITAL hala’o judisium ba ida ne’e dala-sia (9).

Dekanu Fakuldade Enjenaria  UNITAL, Juvinal Ximenes Guterres haktuir, husi total finalista ne’e kompostu husi departamentu enjenaria informátika, konstruksaun sivíl, tékniku eletróniku, petrólium no jeolojia,

“Ha’u hanoin bukae ne’ebé mak agora dadaun ami prepara, liu-liu ba prosesu ne’ebé mak sira tuir ona prosesu aprendizajen katak, ami fiar depois remata sira bele dezenvolve-an, atu nune’e bele partisipa iha prosesu dezenvolvimentu iha rai ida ne’e,” Juvinal ba Jornalista iha UNITAL, Bekora, Dili, Kuarta (24/11/2021) hafoin serimónia judisium.

Iha fatin hanesan reprejentante judisium Juvencio dos Santos hatete, rejultadu ne’ebé sira atinji la’ós final ona tanba nia konsidera siénsia finalidade. Tanba ne’e nia dehan, kontinua esforsu atu aplika siénsia ne’ebé durante ne’e sira hetan iha banku eskola.

“Ami hotu espera katak, siénsia ne’ebé ami hetan sai hanesan rikeja foun ida ba ami jerasaun foun, atu luta no lori saida mak ami iha ba ita nia komunidade Timor,” Juvencio subliña.

Partisipa iha serimónia judisium ne’e dosentes, dekanu, estrutura UNITAL, estudantes no família sira finalista.

No More Posts Available.

No more pages to load.