UN Women Apoiu Dolar Amerikanu Rihun 600 ba Prevensaun Konflitu iha Timor Leste

by -261 views
Leonesia Tecla da Silva

Estajiáriu MJ6 / Editór Noémio Falcão

DILI (Timor Post)UN Women nu’udar ajénsia internasional husi nasoens unidas ba igualdade jéneru no empoderamentu feto fó apoiu osan dolar amerikanu rihun atus neen ($600.000) ba Diresaun Nasionál Prevensaun Konflitu Komunitáriu (DNPKK) hodi fasilita atividade prevensaun konflitu liuliu treinamentu ba instrutor sira (Training of Trainers/ToT).

Sekretáriu Estadu Protesaun Sivíl, Joaquim José Gusmão Dos Reis Martins iha serimónia loke formasaun iha Salaun Delta Nova, Kuarta (22/09/2021) ba Jornalista sira subliña, formador ka instrutor sira ba prevensaun konflitu komunitária hamutuk 12 mak hetan oportunidade ida ne’e.

Hafoin formador sira hetan ona formasaun maka sei fó hikas formasaun ba mediador no komunidade sira oinsá maka halo prevensaun konflitu iha komunidade nia leet.

“UN Women  maka fó asisténsia. Iha matéria lubuk ida. Kumpriensaun kona-ba kazu  konflitu nian diskusaun fahe esperiénsia maka sai espesífiku liu, para halo nusa maka bele kapasita sira nia aan para bele iha konfiansa, ita bele fó konfiansa ba sira hodi bele treinu fila fali ba sira seluk,” Joaquim subliña.

Iha okajiaun, Analista Programa Feto Pás no Seguransa-UN Women, Leonesia Tecla da Silva, hatete, formasaun ba prevensaun no rezolusaun konflitu sensivel ba jéneru  importante tebes hetan partisipasaun husi reprejentante sira husi munisípiu 12 la inklui Manatutu ho  Rejiaun Administrativa Espesiál Oe-cusse Ambenu (RAEOA).

Liuhusi formasaun ne’e hakarak atu instrutor sira iha kapasidade fasilitasaun mediasaun no mós fasilita diálogu hodi prevene konflitu iha rai laran.

Sensivel ba jéneru mediasaun hanoin hela katak hakarak atu involve ema  hotu liuliu feto, no mós grupu vulneravel atu partisipa iha prosesu mediasaun hodi  nune’e prosesu hari dame.

Nia hatutan, ba matéria foku liu ba mediasaun sensivel jéneru, fahe dekretu lei ne’ebé maka aprova husi konsellu ministru, liuliu kona-ba papél feto mediadór iha nivel komunidade haree katak persentajen  ne’ebé mak aas liu pursentu 46 feto mediadór.

Leonesia observa katak, durante servisu besik ho diresaun nasionál prevensaun konflitu komunitariu sira la’o servisu mesak , sira servisu hamutuk ho  Ministériu administrasaun estatatal, liu husi autoridade lokál nune’e mós komunitariu sira ho liña Ministériu, Oinsá atu bele fó apoiu ba malu iha kazu ruma karik  labele resolve, halo referral liuliu kazu hanesan semi  publika Sira ninia papél asegura katak,  ba komunidade  sira iha rezidénsia  paizanu sosiál no moris iha hakmatek, Maibé internu ne’ebé mak la’ós mandatu para rezolve subliña iha dekretu lei. (Lee notísia seluk iha Jornal Timor Post)

No More Posts Available.

No more pages to load.