Tribunal Sei halo Inspesaun ba Fatin Harahun Bomba Mina iha Bekora

by -113 views

DILI (Timor Post)—Tribunal Distritál Dili (TDD deside atu halo inspesaun ba kazu baku rahun Bomba Mina iha aldeia Klaak Fuik Bekora, Di1i.

Informasaun ne’e hato’o hosi Juis Prezide ba audiénsia iha sala Julgamentu TDD, Kinta (19/08).

“Tribunal sei halo inspesaun ba fatin akontesimentu, maibé antes ne’e sei halo uluk audisaun ba sasin, “dehan Juis Prosesu.

Iha audiénsia ne’e, tuir loloos tribunal rona mos sasin ne’ebé marka ona, maibé la konsege tanba Juis Adjuntu Koletivu nain ida sofre moras Pulmaun.

Tanba ne’e tribunal adia ba loron 24 fulan Agostu, tuku 10:00, au-mezmu tempu halo kedas inspesaun ba fatin refere.

Entretantu ba kazu ne’e rasik envolve hosi arguidu prezu, ho inisia YSFL no EFS ho tipu krime danu ho Violénsia.

Parte Vítima ho inisiál AL, Diretór ba Kompañia Nagarjo unipessoal Lda, konfirma faktu sira ne’ebé konsta iha autos.

Vítima hatete, katak faktu sira ne’ebé deklara iha akuzasaun kontra arguidu ne’e loss hotu.

Tanba nee, vítima husu ba tribunal atu tetu no haruka arguidu sira indeminiza fila fali valor presájiu sira ne’ebé mak arguidu sira halo ona.

“Akuzasaun konfirmadu tanba ho arguidu sira nia hahalok ohin loron halo hau lakon sasán sira hanesan karreta no mós fatin Bomba mina, tanba nee hau hakarak sei selu fila fali, “dehan vítima ba Tribunal iha sala julgamentu.

Vítima dehan, karreta ne’ebé arguidu sira baku rahun mos too agora vítima seidauk hadi’a, tanba prosesu lao hela, no husu arguidu sira rasik mak sei lori ba ofisina (benkel) atu hadi’a maski presu todan.

“arguidu sira tenke buka meiu oinsá lori karreta ba benkel, maski seluk todan, tanba karreta mos sira mak baku rahun nia vidru, “dehan tan.

Enkuantu, liga ba deklarasaun antes tribunal rona ona arguidu sira nia konfisaun, maski iha konfisaun arguidu nega faktu belu ne’ebé Ministériu Públiku Promove ba arguidu sira.

Maibé kona ba akuzasaun, Juis prezidente meza koletivu, Argentino Nunes, deklara faktu akuzasaun katak, ba indísiu sufisiente iha tinan 2019, lezadu ALC,  nu’udar Diretór Kompañia Nagarjo unipessoal Lda

nunee iha loron 16 fulan Agostu tinan 2019, liu husi desizaun Tribunal Distritál Dili, hodi Julga presidente no mantein desizaun ba objetu refereridu ba lezadu.

Bazeia ba desizaun nee iha loron 20 fulan Agostu tinan 2019, hale’u oras tuku 18h00 lezadu haruka nia funsionáriu sira hanesan Gaudêncio, Pedro Graciano, Feliz da Costa no Pedro atu dezloka ba iha fatin refere uza karreta marka HI-LUX SERF nia matríkula 14-880 TL.

Hafoin too iha ne’ebá tama iha laran, lakleur argudu YSFL ho arguidu EFS ho ema barak dés koñese ba iha fatin akontesementu.

Too iha nee ba arguidu YSFL baku iha lezadu Feliz nia kabas sorin karuk no kanotak sorin los, arguidu ida seluk hodi tudik sona lezadu Feliz iha liman parte karuk hetan kanek no ran sai barak.

arguidus sira baku rahun karreta ida ho marka Hilux Surf matríkula 14. 880 T1, karreta refere lezadu hola ho folin U$ 28. 000.

Atu asegura desizaun lezadu aprezenta keixa hasoru arguidu ho nia Família 2019/PIDIL, ba krime Desovidénsia ne’ebé oras emite ona akuzasaun data 29 Novembru 2019 no prosesu remete ona iha Tribunal Distritál Dili.

Katak iha loron 05 fulan Fevereiru tinan 2020 hale’u oras tuku 1000, arguidu nain rua mos komete krime  Desovidensia ba Nuc 0385.

Arguidu sira estraga sasán ho nia folin kada bomba mina ida U$ 6. 000 total U$ 12. 00 no taka hodi raihenek ba bomba mina nee.

tanke mina Gazoel ho kapasidade 8 litru fa’an iha 3. 000 hetan estragu 5.000 litru, ho kada folin us 4.250 no tanke mina Gazolina, kapasidade 7. 000,  estraga 5. 000 Itr no hetan estragu litru 2, 000 ho folin us 1. 800 sasán hanesan bomba mina rua

sasán iha eskritóriu hanesan computer ida printer ide ho nia folin us 650, 00, jeradór ida ho nia folin us 1, 500, no meja ide no san sira seluk konforme id fls 14 iha autos, ho nia valor por us 250 Amerikanu nune’e nia total prejuizu ne’ebé lezadu sofre Prejuizu hamutuk $ 50. 000 ( dollar rihun lima nulu Americano ), nee la sura ( 22 ,000 total inklui incoming se lezadu fa’an mina lor-loron.

Katak bomba mina noe lezadu zere (hodi fa’an mina ) loron ida hetan incoming mínimu us 150 -200 Américo, katak hahú arguidu estraga bonba mina nee iha loron 20 fulan Agostu tinan 2019, too ohin loron, tinan ida (1) fulan 5 (lima fo prejuizu bot ba lezadu no funsionáriu sira ne’ebé servisu iha bomba mina nee, ho total us 89. 250. 00

Konsekuénsia husi arguidu sira nia hahalok nee fo ameasa ho perigu ba ema nia vida ou integridade fízika no tau ema laiha posibilidade atu reziste no fo prejuizu ba Lezadu Artur tan nia karreta ida ho marka HILUX surf hetan estragu total, bomba Mina rua, no sasán eskritóriu hanesan meza no komputadór, no atividade faan mina paradu ho nia valor us 139 250. 00 (sento trinta o nove mil duzentus cinquenta dólar Amerikanu)

Nune’e mos halo lezadu feliz hetan kanek no ran sai barak tan hetan sona iha liman no kabas parte karuk maibé lezadu la hetan tratamentu médiku, sosa deit ai moruk hodi hemu.

Arguidu sira halo ho forma livre, de liberada e konsentimentu la oposta komportamentu, apezarde sira hatene muitu bem katak baku lezada hodi ai no tuda hodi fatuk ba karreta, sobu estraga bomba mina no no tau rai henek ba laran no sona kanek emu bele kauza estragu totalmente no perigozu ba ema nia vida.

Nune’e arguidu sira hanesan autór material no pratika krime sira hanesan Danu ho Violénsia, no Danu Agravadó ne’ebé previstu iha artigu sira 259 al a i d no art 260 Kódigu Penal.

Aleinde prosesu nee lezadu mos levanta tan asaun sivíl iha Tribunal Distritál Dili, ho NUC 0196/CVTDD.

Ba audiénsia prezide hosi juis nain tolu, kompostu hosi juis Argentino Nunes, Alvaro Maria Freitas, José Gonçalves. Enkuantu Ministériu Públiku reprezenta prokuradór nain ida, no arguidu sira hatán asisténsia legal hodi advogada nain 3. (jxy)

No More Posts Available.

No more pages to load.