Tribunál Julga Arguidu RGN Soke Mate VCS

by -608 views
Ilustrasaun

DILI (Timor Leste)—Tanba ho karreta soke mate vítima ho inisiál VCS, Tribunál Distritál Dili (TDD), Kinta (30/09) realiza julgamentu ba krime Omisídiu neglijente no kondusaun perigozu hasoru arguidu RGN.

Tuir kronolojia ne’ebé Ministériu Públiku lee sai, katak kazu nee akontese iha loron 16 Dezembru 2019 tuku 3:00 dadeer madrugada arguidu lori karreta ho marka Wagon ho matríkula A 10-125 Tls ba tula nia kolega na’in haat (4) C, J, BA hodi sira ba tuur no hemu tua ho marka DS lata tolu iha area faról besik Ministériu Turizmu nia oin.

Depois ne’e arguidu hetan kontaktu husi nia kolega na’in rua Ameta ho Ameu dehan  katak sira hemu hela iha area Katedral nia sorin nune’e sira na’in haat tun mai hodi hemu hamutuk ho kolega sira seluk inklui mós vítima matebian hemu tan tua sabu aqua boot $50 cent  nia rua.

Sira hemu tua to’o iha oras tuku 4:30 madrugada, sente ona lanu no matan dukur nune’e sira ida-idak hodi fila ba uma, tanba ne’e arguidu mós sa’e nia karreta atu ba uma lakleur vítima matebian VCS mós hakat mai hodi tuur iha karreta laran parte oin hodi dehan katak “ita sai ba patrulla lai”.

Tanba momentu ne’ebá dehan ho kondisaun lanu arguidu mós halo tuir vítima nia hakarak de’it, husi diresaun mai Vila Verde Tuan-Laran, mai fali iha Matadouru, Kaikoli Bombeiru nia oin sa’e fali Mascarinhas Balidi husi Balidi tun mai Matadouru nia halai Velosidade Aas.

Nune’e arguidu rasik la konsege distinge tanba dalan mamuk la iha karreta ruma entaun sira ultrapasa iha ne’ebá no liu tiha kruzamentu arguidu soke karreta truk ho matríkula 58-120 Tls ne’ebé estasiona hela iha loja Hong yun Lai Supermerkadu nia oin husi diresaun parte liman loloos no husi parte kotuk.

Iha soke ne’e fai maka’as iha parte vítima tur ba ne’e hodi rezulta vítima VCS mate fatin nune’e mós karreta hetan estragu  fó prejuizu ne’ebé la dun aporadu.

Arguidu halo forma livre de liberada konsentimentu no sira hatene katak hemu tua lanu hodi kondús karreta iha via públiku hodi kria fó perigu ba ema nia vida no kondús karreta la ho kuidadu hanesan meius ne’ebé hodi hamate vítima nia vida.

Arguidu hatene katak konduta ne’e bele hetan kastigu tuir lei, nune’e arguidu RGN hanesan koautór material ba krime rua kondusaun perigozu no Omisídiu Neglijente ne’ebé previstu iha artigu 140 númeru 2 no krime kondusaun perigozu ne’ebé previstu iha artigu 209 husi kódigu penal.

Ba kazu ida ne’e, antes ne’e arguidu presta ona deklarasaun iha sala julgamentu bainhira prosesu ne’e la’o.

Alende ba kazu ne’e antes iha prosesu julgamentu Tribunál marka ona atu halo alegasaun final maibé tanba intervensaun husi família vítima sira katak vítima mate lahós tanba soke maibé deskonfia arguidu mak oho.

Nune’e alegasaun final  la konsege realize tanba ne’e Ministériu públiku husu ba tribunál atu halo Execcao ba Kadavel katak ke fali mate isin ne’e hodi halo optopsi para hatene loloos vítima mate ne’e kauza husi saida.

Entretantu Prokuradór mos husu médiku espesialista ne’ebé iha momentu halo atendimentu hodi hasai vítima nia raises (Ronseng) atu bele mai esplika loloos iha Tribunál.

Tanba ne’e Tribunál konsege deside adia julgamentu ne’e ba loron seluk hodi halo alegasaun ikus.  (jxy)

No More Posts Available.

No more pages to load.