Tribunál Indefere Pedidu MP atu Liborio Pereira Depozita Osan Rihun $50

by -84 views

Timor Post (05/12/2020)—Tribunal Distrital Dili (TDD) liu-husi julgamentu interrogatóriu dahuluk ba Eis Prezidente Komisaun Funsaun Públika (KFP), Liborio Pereira, indefere pedidu husi Ministériu Públiku (MP) kona-ba garantia suspeitu nian iha prosesu justisa ba kazu partisipasaun ekonomia no negósiu.

Juis foti desidaun ne’e tanba MP la fundamenta medida koasaun ne’e.

Nune’e, TDD iha loron 05/12/2020 aplika Termu Identidade Rejidénsia (TIR) ba Liborio Pereira. Katak, suspeitu livre husi sela detensaun hodi fila ba uma hala’o nia atividade hanesan sidadaun baibain maibé bainhira sai ba rai liur tenke fó hatene ba tribunal.

Defensór Públiku Sergio Quintas ba Jornalista sira subliña, sei haree despaisu juis nian ne’ebé aplika kona-ba medida koasaun proivisaun de auzénsia.

“Ami sei haree, se karik despaisu ida ne’e viola regras balun ne’ebé estabelese kódigu prosesu penal iha 15 dias sei halo rekursu kontra despaisu ne’e, tanba ita hatene arguidu ne’e nu’udar kolaborador ba justisa, tanba arguidu obedese nia direitu nu’udar sidadaun, kuandu ministériu públiku nu’udar autoridade bolu dala rua ba iha ministériu públiku nia kumpri,” Quintas hatete.

Nia reforsa, maibé tanba de’it ministériu públiku haree katak, nia deslokasaun ba estranjeiru impede ministériu públiku nia serbisu, entaun ida ne’e mak ministériu públiku hakarak hasa’e medida ko’asaun mais todan liu.

“Husi ki’ik ba fali medida ko’asaun proivisaun audénsia para labele sai husi teritóriu timor nian, mais nu’udar mandatari haree limiti ona liberdade arguidu nian, tanba arguidu ida ne’e ita sei konsidera hanesan inosenti, tanba tenke konsidera nafatin prinsipiu prosusaun da inusensia, ne’ebé estqbelese mos iha konstituisaun rasik artigu 34, nomos iha kódigu prosesu penal, entaun ida ne’e mak hanoin ami sei haree despaisu ida ne’e, fundamenta di-diak ou lae”, Nia dehan

Nia haktuir, tribunal indefere pedidu husi ministériu públiku nian kona-ba kaosaun, tanba la fundamenta di-diak ho razaun.

Maske ho situasaun ne’e, maibe arguidu LP kontinua hala’o ninia serbisu ou atividade hanesan bai-bain, tanba kazu dadaun ne’e foin prosesu inisiu atu haree medida ko’asaun ne’ebé atu aplika, sidauk tama ba iha prosesu komum atu haree privadu no la provadu promosaun Ministériu públiku nian.

“Entaun ita bele konsidera arguidu sei inosenti nia bele halo knar hanesan bai-bain, ne’e la’os akontese de’it iha Timor, maibe iha fatin-fatin uma vez medida ko’asaun ne’e la’os desizaun”, tenik Nia

Nia dehan, nu’udar mandatari la aseita despaisu ne’e, tanba parte nia halo ona promosaun liu-husi primeiru interogatoriu kona-ba manutensaun ba tir, maibe juis la simu ami nia promosaun, entaun la dun justu, nune’e iha loron 15 sei haree par halo rekursu ba despaisu juis nian.

Suspeitu LP tuir julgamentu primeiru interogatoriu iha tribunal, tanba deskonfia envolve iha kazu krime partisipasaun ekonomia liu-husi negosiu ne’ebé kontra Kódigu Penál artigu 299 kona-ba ninia envolvimentu partisipasaun ekonomia bainhira asume knaar nu’udár Prezidente KPF iha tinan 2017. (Jornalista: Jaime Pires)

No More Posts Available.

No more pages to load.