Tribunál Halo Alterasaun Jurídiku ba Kazu PSHT

by -583 views
????????????????????????????????????

DILI (Timor Post)—Tribunál Distritál Dili (TDD), Kuarta (15/09) lorokraik suspende tan desizaun Julgamentu Sumáriu, ba membru PSHT na’in 107, ho razaun halo alterasaun jurídika ba artigu balun lei númeru 24 ba artigu 26 hosi Dekretu lei prosesu penal.

Juis prezide Afonso Carmona hatete, tuir loloos tribunál halo kedas alterasaun hodi foti desizaun maibé tanba Ministériu Públiku auzente, mak tribunál deside adia ba Semana oin.

“Presiza halo analiza ba faktu no sirkunstánsia sira hotu, tanba ne’e tribunál sei halo aliterasaun lei balu, ida seluk mós Prokuradór laiha, tanba ne’e tribunál di’ak liu adia ba semana oin,” dehan Carmona.

Aleinde razaun ne’e, tribunál mós hein tanba atu halo separasaun prosesu ba arguidu na’in 10 seluk ne’ebé oras ne’e sei iha kuarentena tanba afetadu Virus Corona.

Enkuantu ba prosesu ne’e Timor Post konfirma ho parte Advogadu sira atu halo entrevista, maibé parte sira informa katak, sira seidauk bele fó komentáriu tanba prosesu seidauk iha desizaun ikus.

Tribunál rejistu ho númeru kazu 0490/21.DICMR, ho krime Desovidensia iha ne’ebé envolve arguidu hamutuk na’in 107, ho inisiál sira hanesan PMS, JS, CR, FM, MPT, SMDA, JTSJD, JR, MC, JPP, DC, DMDJ, IS, RPS, FSS, DAG, DKS, HMP, NS, AC, MAC, SDJG, NFB, JSX, EAS, CVS, RS, FB, MPS, JB, AJSB, FDS, JS, RSA, AS, QASG, JC, JDS, ZEVC, FDCS, CDS, JBS, ADS, LHC, FG, FSP, JMRF, FJ, JSG, MS, JC, CX NOBGL,  JB, AJXB, FDS, VCS, LDS, PAC, IMDC, BB, DBDSS, SH, TM, JB, CS, AS, LHC, FG, FFC, JMRF, FJ, JMRFG, FG, JSG, PMS, JS, CR, FM, MPT, JT, JR, MC, JPP, DGV, DSM, SO, no seluk tan ne’ebé Timor la konsege identifika.

Arguidu sira hetan kapturasaun hosi membru polisia hosi Komandu Munisípiu Dili, iha loron (07/09) kalan, tanba deskonfia  hala’o atividade treinu subar iha ámbitu aplikasaun konfinamentu Domisiliariu jerál ka konfinamenu obrigatóriu.

No krime ne’ebé ministériu públiku promove iha julgamentu hanesan krime desovidensia ne’ebé previstu iha artigu 244, númeru 1.

Hosi artigu ne’e rasik, esplika katak ema ne’ebé la halo tuir nafatin orden ka mandadu lejítimu komunikadu regularmente, ne’ebá autoridade ka funsionáriu kompetente mak fó, sei hetan prizaun tinan 3 ka multa.

Ikus ba audiénsia, Tribunál prezide hosi Juis Afonso Carmona, parte Ministériu Públiku reprezenta prokuradór Titular na’in 1, no arguidu sira hatán Asisténsia legal hosi Advogadu privadu na’in 5, hanesan João Corte real, Pedro Aparício, Sergio Gama Lobo da Silva Junior, Câncio Freitas, no advogadu Albino Pereira. (jxy)

No More Posts Available.

No more pages to load.