Traballadór Timoroan Na’in 75 Arranka ba Korea Súl

by -198 views
Kandidatu Traballador sanulu-resin-neen foto hamutuk antes atu aranka ba Australia. Imajen Media DNEE

(Reportajen Hermenegildo da Costa Tilman/Editor Mateus da Cruz)

Dili (Timor Post)—Governu liu husi Sekretária Estadu Formasaun Professional no Empregu (SEFOPE) no Diresaun Nasionál Empregu Exterior (DNEE) servisu hamutuk ho Governu Korea Súl haruka tan Joven Timor Oan na’in 75 ba servisu iha Korea Súl.

‘Ita agradese ba Governu Korea Súl, ne’eb nafatin fó konfiansa no kometimentu simu Timor oan sira hodi bele ba servisu, atu bele redús númeru dezempregu iha ita nia nasaun Timor-Leste, no bele hasa’e kresimentu ekonomia nasaun nian”, dehan Diretór SEFOPE, Filomeno Soares hafoin remata serimónia despedida ho traballadór sira.

Nia apela, ba traballadór sira ne’ebé mak hetan ona oportunidade ne’e atu hatudu komportamentu servisu ne’ebé di’ak no labele halai sees husi sistema.

“Se bainhira ba servisu iha Korea imi halai sees husi sistema maka imi sei taka dalan ba Timor oan sira ne’ebé mak ikus mai hakarak ba, no empregadu sira mós sei la fó tan servisu mai joven Timor oan,” nia dehan.

Entretantu tuir informasaun, traballadór na’in 75 ne’e mane hotu, no sira sei ba servisu iha area fabrika hamutuk ema nian-haatnulu-resin-ida (41) no iha peska iha ema na’in tolunulu-resin-haat (34).

Ikus liu jestór ba Diresaun ne’e, Governu Korea Súl fó fiar ona mai governu Timor Leste hodi haruka nia joven sira ba servisu ha ne’ebá, tanba ne’e husu ba joven 75 ne’e hatudu imi nia hahalok liu husi respeitu kultura iha Korea nian tuir regra ne’ebé mak iha, atu nune’e ema nafatin konfiansa mai ita” hakotu, (Lee Notísia Seluk Iha Jornál Timor Post/Asesu You Tube Timor Post)

No More Posts Available.

No more pages to load.