TR Proklama Ramos Horta Eleitu ba Prezidente Repúblika

by -341 views
Jose Manuel Ramos Horta

(Reportajen Cardenio Alves/Editor Mateus da Cruz)

DILI (Timor Post)- Tribunal Rekursu (TR), ofisialmente proklama José Manuel Ramos Horta eleitu sai Prezidente Repúblika ba períodu 2022-2027.

“Tribunál Rekursu kongratula no parabeniza ba kandidatu ne’ebé hetan vitória iha prosesu eleisaun ba tinan 2022-2027, Jose Ramos Horta mak sai prezidente eleitu, nu’udar prezidente ba povu Timor-oan tomak,” deklara  Prezidente Tribunal Rekursu, Deolindo dos Santos, iha nia knaar fatin Edifísiu Tribunál Rekursu, Kaikoli, Sesta, (29/04).

Nia hodi Tribunal Rekursu nia naran mós fó parabéns ba povu timor tomak, ne’ebé halo ezersisiu ba sira nia direitu votu ne’ebé hala’o dala-rua iha primeira no segunda volta nian, ne’ebé ba ho forma ne’ebé di’ak paz no estabilidade nia laran.

TL foin ukun aan maibé bele ezerse direitu sidadania ba demokrasia neebe forma ho diak, kompara ho nasaun sira seluk,” nia dehan

Prezidente Tribunál Rekursu mós hato’o parabéns ba membru eleitorais sira husi STAE ho CNE, no mos ba servisu seguransa hanesan F-FDTL no PNTL sira hotu hodi asegura prosesu ba eleisaun ne’e la’o to’o remata.

Nia mós hato’o agradese ba reprezentante husi kandidatu na’in rua nian ne’ebé ho esforsu tomak no hala’o servisu durante prosesu eleisaun nia laran, durante hasoru difikuldade to’o ohin loron hasai rezultadu ne’ebé ho dignu.(Lee Notísia Seluk Iha Jornál Timor Post/ Asesu You Tube Timor Post)

No More Posts Available.

No more pages to load.