TMR Inisia Alterasaun ba Organigrama Governu Daualu, Aumenta Tan Vise Primeiru Ministru Rua

by -180 views

DILI—Primeiru Ministru Taur Matan Ruak (TMR) inisia alterasaun dahuluk ba dekretu lei númeru 14/2018, 17 Agostu kona-ba ba organigrama governu konstitusionál daualu ne’ebé forma husi CNRT, PLP ho KHUNTO.

Projetu alterasaun ne’e TMR aprejenta on aba Konsellu Ministru hodi deskuti no halo aprovasaun no lori ba Prezidente Repúblika Francisco Guterres halo aprovasaun.

Iha projetu alterasaun ne’e sei aumenta tan Vise Primeiru Ministru rua ne’ebé trata ba assuntu ordenamentu no planeamentu.

Ministru Reforma Lezislativa no Asuntu Parlamentar, Fidelis Leite Magalhães liuhusi konferénsia ba imprensa, Kuarta (13/-5/2020), iha Salaun Ministériu Finansas (MF), Aitarak-Laran, Dili, haktuir, orgánika foun ne’e mós sei iha Ministru ida ba Asuntu Parlamentar no Komunikasaun Sosiál, Ministru ba Planu no Ordenamentu Territóriu, Vise Ministru ida ba Turizmu, Kultura no Komunitáriu, Vise Minitru ida ba Momérsiu no Indústria no Vise Ministru Interior ida.

Fidelis hatutan, estrutura foun ne’e sei laiha ona kargu Ministru Reforma Lejislatura no Asuntu Parlamentar no Ministru Planeamentu no Investimentu Estratéjiku no la prevé ona Ministru Estadu sira.

Kompeténsia sira ba área ferofma sira nian sei atribui ba Prezidénsia Konsellu Ministru no ministériu Justisa no ministériu sira kompetente.

Fidelis mós haktuir, iha mós mudansa ba instituisaun tutela sira inklui g7+, CNA.

“Hasai husi Prezidénsia Konsellu Ministru tanba g7+ ne’e entidade ketak tiha ona, agora nia independente no la tama iha kuadru administrasaun públiku,” Fidelis hatete. (cao)

No More Posts Available.

No more pages to load.