TL Ofisialmente Anunsia Kazu Variante Delta Na’in 4

by -247 views
Ministra Saúde Odete Maria Freitas Belo. (Foto TP?Olga Soares)

(Reportajen Olga Soares/Editora Suzana Cardoso)

DILI (Timor Post) – Iha loron 23 fulan Jullu 2021, Timor Leste ofisiálmente anunsia hikas kazu ho naran Variante Delta nain 4, husi númeru kazu refere iha nain ida negativu no fila ona ba uma. Maibé nain tolu seluk sei iha sala izolamentu Vera, Cruz.

Liu husi Komferensia imprensa, Ministra Saúde Odete Maria Freitas Belo deklara sekuensiasaun genómica husi amostra 300 ne’ebé Laboratoriu Nasional Saúde haruka iha loron 14 fulan Jullu 2021 ba Peter’s Doherti Institute iha Melbourne, Australia ho pedidu atu halo tes urjenti ba amostra balun.

“Maibé hosi amostra ne’ebé iha, hadutu katak husi ema na’in 4 ne’ebé tama husi Indonézia iha loron 26 fulan Juñu no loron 08 fulan Jullu iha lineajen B.1.617.2 (Delta). Variante ne’ebé preokupante ka ‘’variant of concern,” hateten Odete ba jornalista liu husi komferensia imprensa iha Sentru Integradu Jestaun Krize (SIJK), Sesta, (23/7/2021).

Governante ne’e esplika sidadaun na’in 4 ne’e iha hotu fatin kuarentena no izolamentu. No husi ema nain hirak ne’e iha na’in ida detetadu negativu no fila ona ba uma. Enkuantu na’in 3 sei nafatin iha izolamentu Vera Cruz, Dili.

“To’o agora seidauk iha evidénsia katak variante ida ne’e, nakda’et ona iha komunidade,” katak Odete hodi hatutan na’in ida husi Indonézia nia ásintomátiku no fila ona ba uma. Maibé nain tolu seluk iha sintomas. Nune’e nafatin izola iha izolamentu.

“Husi kazu Variante nain 4 ne’e, iha nain ida sidadaun Indonézia no na’in tolu Timoroan,” nia informa tan.

Enkuantu sidadaun nain 4 ne’ebé tama mai Timor-Leste ne’e seidauk kompleta vasina. Sira foin maka simu vasina AstraZeneka dala ida deit. (Lee notísia kompletu iha Jornál Timor Post)

No More Posts Available.

No more pages to load.