Tinan Ne’e PSHT Sei Halo Graduasaun ba Membru Foun Sira iha Timor Leste

by -3.971 views
Membru PSHT, Imajen Esp

(Reportajen Jaime Pires/Editor Mateus da Cruz)

Dili (Timor Post)- Prezidente Artemarsiais Persaudaraan Setia Hati Terate (PSHT), Baltazar Lemos Seixas, informa, tinan ida ne’e, graduasaun ba membru foun PSHT sei la ba ona iha Indonézia maibé sei halo de’it iha Timor Leste.

Nia hatete, rezultadu hosi enkontru ne’ebé hala’o entre nia ho Sekretáriu Estadu Juventude no Desportu (SEJD), Abrão Saldanha, ohin, konkorda ona ho programa rua ne’ebé maka PSHT atu implementa iha fulan Agostu tinan ida ne’e.

Lee Notisia Relevante : Marsu, KRAM Fó Sai Kalendáriu ba PSHT Hodi Hahú Atividade Treinu

Programa rua ne’ebé tuir planu atu implementa maka kongresu nasionál PSHT nian no kontinua ho graduasaun ba membru foun PSHT nian iha territóriu timor laran.

“Ohin ha’u mak enkontru ho Sekretáriu Estadu no Prezidete KRAM, aprezenta ami nia programa rua, ida preparasaun ba kongresu Nasionál ba PSHT nia no mós preparasaun ba tinan ne’e atu halo graduasaun ba membru PSHT iha Timor-Leste,” nia dehan hafoin remata enkontru iha Edifísiu (SEJD), Lesidere, Tersa (29/03).

Nune’e, agora daudaun nia parte hahú halo levantamentu dadus ba membru PSHT foun sira. Tanba ne’e nia husu ba membru foun PSHT sira katak tinan ne’e labele ba ona hasai graduasaun iha Indonézia maibé halo de’it iha Timor Leste.

Nia subliña, kona-ba konflitu sira ne’ebé mak sempre mosu iha Dili laran ne’e problema indivíduu nian no la’ós Artemarsiais PSHT nia naran.(Lee Notisia Seluk Iha Jornal Timor Post/ Asesu You Tube Timor Post)

No More Posts Available.

No more pages to load.