Timoroan Na’in-9 iha Korea Sul fó Apoiu Nesesidade Báziku ba Komunidade Kbiit Laek

by -188 views

DILI—Timoroan na’in-9 ne’ebé durante ne’e servisu iha Korea Sul ho inisiativa rasik fó apoiu osan liuhusi autoridade lokál hodi hola nesesidade báziku ba komunidade kbiit laek sira iha Aldeia Zero Tres, Suku Mascarenhas, Postu Administrativu Vera Kruz, Dili.

Timoroan sira ne’e nu’udar komunidade husi aldeira Zero Tres rasik mak hanesan, João Noronha, Frans Martins Maia, Manuel Francisco Barreto, Jelindo Gonçalves, Celino Moniz, Ary Lallo, Nilto Mali Araújo, Luzito Soares Do Nascimento no Paulino Barros.

Inisiativa ne’e mosu husi timoroan sira ne’e ho domin boot tanba haree ba situasaun rai laran komunidade sira nia moris difisil tebes iha ne’ebé atake pesti corona (COVID-19) halo estadu tenke aplika medida sira ba limitasaun ba movimentasaun transporte públiku no fó imaktu tebes ba atividade ekonomia povu kiik sira nian.

Xefe Aldeia Zero Tres, António Sarmento Pereira ba Timor Post via telefone, Domingu (10/95/2020) haktuir, fofoun timoroan  na’in-19 ne’e halo komunikasaun ba malu liuhusi rede sosial hodi halo kobransa. No sira konsege tau hamutuk osan Korea Sul (Won) 1,500, maibé haruka to’o Dili autoridade sira foti ho dolar Amérika $1,490.

Xefe António haktuir, bainhira nia parte foti osan ne’e ba hola kedas sasan nesesidade báziku sira hanesan, foos, mina, masin, masimidar no seluk tan hodi oferese ba benefisiáriu hamutuk  na’in-50 inklui faluk no kbiit laek sira.

“Ami agradese tebes ba aimi juvetude sira ne’e, ami sente kontente tanba sira iha hanoin di’ak tebes. Sira sente duni saida mak terus, sakrifísiu no karidade. No apoiu ne’ebé sira fó nia valor boot tebes,” Xefe António subliña. (cao)

No More Posts Available.

No more pages to load.