Timoroan iha Austrália Sei Vota Iha Fatin Tolu

by -273 views
Diretor Jeral Sekretariadu Tekniku Administrasaun Eleitoral (STAE), Acilino Manuel Branco, Foto TP

(Reportajen Cardenio Alves/Editor Mateus da Cruz)

DILI (Timor Post)- Daudaun ne’e Sekretáriadu Tékniku Administrasaun Eleitorál (STAE), identifika ona fatin tolu ba timoroan sira iha Australia hodi ba vota.

Diretór Jerál, STAE, Acilino Manuel Branco, hatete, tanba situasaun pandemic STAE labele ba halo atualizasaun, maibé sidadaun sira iha Austrália ne’ebe Resenseadu-ona tinan kotuk sira iha elejibilidade atu hola parte mós iha prosesu eleisaun prezidensiál tinan ne’e.

“Iha Australia loke votasaun ba Timor oan sira iha fatin tolu hanesan Darwin, Sidney no Melbourne, nia informa iha Edifisiu CNE, Segunda, (28/02).

Alende Australia, iha Korea du Sul monta ona sentru votasaun ida iha Embaixada Timor Leste nian iha Korea du Sul, iha Portugal, sentru votasaun iha fatin rua, Ida iha Lisboa no ida iha Portu, iha Inglaterra iha sentru votasaun rua, ida iha Oxford no ida iha Piterbook, entretantu iha Irlanda Norte monta sentru votasaun ida iha Dunganon.

“Husi naran sentru votasaun sira ne’e Ita fó hasai ona númeru eleitór iha loron sanulu-resin-hitu, fulan Fevereiru liu ba, nune’e daudaun nee tékniku Sira hala’o hela no preparasaun atu lori realizasaun iha país Sira refere,” nia hatete.

Sidadaun timoroan sira iha Australia, prienxe-ona rekizitu Ida hanesan eleitór ne’ebé mak iha kondisaun, tanba sira hetan ona karteira vasinasaun, iha Lei eleisaun katak atu ezerse nia direitu votu nian, presiza lori kartaun vasina. (Lee notisia seluk iha jornal Timor Post/asesu youtube Timor Post)

No More Posts Available.

No more pages to load.