Timoroan Ida Mate iha Indonézia tanba Moras COVID-19

husi -56 views

Timor Post (04/12/2021)—Ministra Negósiu Estranjeirus no Kooperasaun (MNEK), Adaljiza Magno informa, timoroan mane ida mate iha Surabaya-Indonézia tanba moras COVID-19. Tuir regra internasional la permite lori mate isin ba Timor Leste.

“Protokolu internasional husi Organizasaun Mundial Saúde la autoriza lori mate isin bainhira mate tanba COVID-19,” Ministra Adaljiza haktuir ba Ajénsia Lusa.

Nia dehan, seidauk simu formalmente informasaun kona-ba kazu ne’e husi embaixador Timor Leste iha Jakarta, maibé tuir dadus preliminariu timoroan ho tinan 51 ne’e mate iha semana ikus liu ba. (cao)