Tetu OJE 2022, EDTL Propoen Milaun $7

by -295 views
Prezidente EDTL. EP, Paulo da Silva

Jornalista Jaime Pires / Editór Noémio Falcão

DILI (Timor Post)—Instituisaun autónomu Eletrisidade Timor-Leste-Empreza Públika (EDTL. EP) iha tetu Orsamentu Jerál Estadu (OJE) ba tinan fiskal 2022, propoen milaun $7 nia ejekusaun boot liu ba infrastrutura.

Prezidente EDTL. EP, Paulo da Silva ba jornalista sira iha Ministériu Finansas Aitarak Laran, Dili, Kinta (09/09/2021), hafoin lori tetu OJE 2022 ba Konsellu Administrasaun husi Fundu Infraestrutura (KAFI), subliña, tinan oin ho orsamentu ne’ebé propoen bele ona hadia torre hirak ne’ebé naksobu durante inundasaun liu ba.

“Ba tinan oin nia ne’e ita haree fali de’it ba ita nia torre sira ne’ebé mak hetan estragus husi inundasaun liubá ne’e, entaun ita foti ida ne’e hodi bele fó atensaun,” Paulo hatutan.

Nia parte aprejenta ona proposta ba KAFI no hein katak bele atinji objetivu husi planu EDTL.EP nian iha tinan 2022.

“Nia orsamentu ba torre 16, no laiha tan adisional,” Paulo dehan. (Lee notísia seluk iha Jornal Timor Post)

No More Posts Available.

No more pages to load.