Tenke Sai, Governu fó Ultimatum ba Komunidade Hela Besik Aeroportu Komoro

by -1.600 views
Vise-Primeiru Ministru hanesan mós Ministru Ordenamentu no Territóriu, José Reis

Jornalista Jaime Pires / Editór Noémio Falcão

DILI (Timor Post) —Governu lideradu Primeiru Ministru Taur Matan Ruak fó ultimatum ba komunidade sira hela besik iha Aeroportu Prezidente Nicolau Lobato, Komoro, Dili atu hamamuk fatin.

Vise-Primeiru Ministru hanesan mós Ministru Ordenamentu no Territóriu, José Reis ba jornalista sira hafoin enkontru semanál ho Primeiru Ministru (PM), Taur Matan Ruak, iha Rezidénsia Offisial Faról, Segunda (04/10/2021) hatete, tempu ba komunidade sira atu hamamuk fatin maka fulan Outubru to’o Novermu tinan ne’e.

José Reis subliña, bainhira komunidade sira hamamuk ona fatin maka rekonstruksaun ba Aeroportu Internasional Nicolau Lobato Komoro realiza ona tanba governu asina ona ona akordu.

“Prosesu resentimentu sira agora la’o hela ha’u hanoin to’o fin do anu ida ne’e prosesu sira ne’e hotu ona, komunidade sira ne’e balun tenke sai, tanba ida ne’e mak prosesu resentimentu ne’e la’o,” governante ne’e hatete.

Enkuantu foin daudaun ne’e governu assina akordu ho ADB hodi empresta osan ho montante millaun $135, hodi rekonstroe Aeroportu Nicolau Lobato.

No More Posts Available.

No more pages to load.