RETIFIKA: Hafoin Aprezenta Pedidu, Lere Auzente Iha Faze Diskusaun KSDS

by -19.284 views
Xefe Estadu Maior FALINTIL Forsa Defeza Timor-Leste (F-FDTL), Tenente Jenerál Lere Anan Timur. (Foto Espesial)

(Reportajen Jaime Pires/Editora Suzana Cardoso)

DILI (Timor Post) – Xefe Estadu Maiór FALINTIL Forsa Defeza Timor-Leste (F-FDTL), Tenente Jenerál Lere Anan Timur, hamamuk fatin hodi la envolve iha reuniaun Konsellu superior defeza no seguransa.

Lee Notisia Relevante: Ezonera Jeneral Lere, Falur Lidera F-FDTL

Reuniaun Konsellu Superior Defeza no Seguransa, ne’e lidera husi Xefe Estadu, Francisco Guterres Lú Olo, Palásiu Prezidente Aitarak-Laran, kinta (27/01). (Foto/ Espesial)

Reuniaun ne’ebé mak realiza iha Palásiu Prezidente Repúblika, Aitarak-Laran, kinta (27/01) ne’e, partisipa másimu husi membru Konsellu superior defeza no seguransa inklui Primeiru Ministru, Taur Matan Ruak. Enkontru ne’e lidera husi Xefe Estadu, Francisco Guterres Lú olo.

Lee Notisia Relevante: Ministru Defeza Filomeno: “Jeneral Lere Husu Lisensa De’it”

Tuir ajenda enkontru konsellu superior defeza no seguransa ne’e, hahú iha tuku 9:30 maibé foin tuku sanulu resin Tenente Jenerál, Lere Anan Timur, fila uluk ona.

Tuir observasaun ne’ebé mak Timor Post hare, Tenente Jenerál Lere, fila iha tuku sanulu resin maski enkontru foin hahú de’it iha minutu tolunulu resin, ka enkontru seidauk remata maibé Tenente Jerál Lere sai no husik hela palásiu prezidente.

Hafoin notísia diáriu ne’e tun iha sesaun dadeer katak Tenente Jenerál Lere Halai Sai Husi Reuniaun Konsellu Seguransa, hetan protestu no pedidu retifikasaun.

“Lere sai uluk depois de aprezentasaun nia razaun tansá mak hakarak husik ninia kargu. Depois loke diskusaun ba ida ne’e. Diskusaun ba ninia asuntu, nia rasik (Lere-red) labele partisipa atu iha liberdade liu ba membru seluk atu ko’alia” sita pedidu ne’ebé tama mai iha redasaun.

Regra normal, iha enkontru saida de’it, inklui enkontru KDS nian, bainhira ko’alia kona-ba karta membru KSDS ruma nian, inklui diskute ajenda balun ne’ebé iha relasaun ho membru KDS ida nian, maka membru refere tenke husik hela reuniaun tuir Rejimentu no Estatutu reuniaun nian. (Lee Notísia Seluk Iha Jornál Timor Post/Asesu You Tube Timor Post)

No More Posts Available.

No more pages to load.