Telkomcel Hetan Konkursu Lisensa Radio Frekuensia 2300 MHZ Iha TL

by -161 views
Telkomcel hetan konkurso espectrum lisensa radio Frekunsia 2300 Mhz ho kapasidade volume 20 Mbps husi regulador ANC Timor-Leste. (Foto Telkomcel)

Editora Suzana Cardoso

DILI (Timor Post) – Kompanha Telekomunikasaun Indonesia International (TL), S.A (Telkomcel) sai hanesan vencedor ba konkursu lisensa radio frekuensi 2300 MHz ho kapasidade 20 Mbps.

Tuir komunikadu imprensa ne’ebé Timor Post simu hateten, desijaun ne’e bazeia ba desizaun ofisial husi Governu Republika Demokratika Timor-Leste (RDTL) liu husi Ministerio Transporte no Telekomunikasaun Timor-Leste (MTC) no Instituisaun Autoridade Nasional Comunicasões Timor-Leste (ANC).

Lisensa radio frekuensi 2300 MHz ne’ebé deside iha semana kotuk ne’e persija implementa ho objetivu atu haforsa no hasa’e (upgrade) kualidade liña internet ba periodu tempu tinan 15 tuir mai.

Prosesu aumenta kapasidade espectrum ida ne’e atu haforsa kualidade rede internet. No hatudu komitmentu kompanha Telkomcel hodi hasa’e kapasidade liña internet para aselera prosesu infrastruktura rede internet no prosesu dizitalisasaun tenologia hodi hasa’e kualidade servisu liña internet nebe’e existe iha teritoriu Timor-Leste.

Chief Executive Officer (CEO) Telkomcel, Yogi Rizkian Bahar subliña, “Ami agradese tebes. No hato’o obrigado barak tamba bele hetan konfiansa husi Governu RDTL liu husi prosesu selesaun tenderizasaun konkursu hodi utiliza fita frekuensia 2300 MHz.”

Fita frekuensia 2300 MHz ne’e ho kapasidade volume 20 Mbps. Frekuensia refere realiza husi Instituisaun Autoridade Nasional Comunicasões Timor-Leste (ANC). Investimentu ho periodu tempu naruk ida ne’e mós sai hanesan evidensia konkretu no hatudu mos komitmentu seriu husi kompañia Telkomcel atu serve no oferese servisu rede internet diak liu tan.

Servisu rede internet ne’e hetan apoiu no suporta masimu husi kompañia Telin Group iha Jakarta – Indonezia, koñesidu ho naran PT. Telekomunikasaun Indonesia International (Telin), hanesan iha asaun maioria ou bo’ot liu iha kompangan Telkomcel Timor-Leste.

Yogi aumenta tan katak, “Prosesu upgrade bandwidth no frekeuensia ho kapasidade volume 20 Mbps ida ne’e mos nia objetivu atu garantia nesedidade konsumador sira hotu hodi aproveita servisu, “The True Broadband’ internet ho asesu lalais, velosidade maximu, kualidade diak no uza teknolozia afansadu nian ho konfortavel tebes no mos bele haforsa ekosistema digital ne’ebé inklusiva no sustentavel.”

Espera ho prosesu upgrade bandwidth ho espektrum frekuensia 2300 Mhz ho kapasidade fita 20 Mbps ida ne’e, bele mos ajuda no haforsa dezenvolvimentu servisu broadband internet no supporta prosesu aselerasaun ekosistema dizitalizasaun iha teritoriu Timor-Leste tomak.

Utiliza kapasidade ho maximalmente no bele garantia kualidade liña internet broadband hodi suporta no apoiu ekosistema dizital iha Timor-leste, inklui mos komunidade industria kreatividade dizital sira.

Komunidade komersiu sira, no mos importante bele motiva prosesu tranformasaun dizital iha Timor-Leste, liu – liu ba dezenvolvimentu iha segmentu Edukasaun, Bankaria no mos negosiante mikro, ki’ik no mediu (UMKM).(Lee notísia seluk iha Jornál Timor Post)

No More Posts Available.

No more pages to load.