Taur Pozitivu, José Reis Lidera Konsellu Ministru: Estende Konfinamentu Obrigatóriu

by -753 views
Konferensia imprensa ho Ministru Prezidensiál Konsellu Ministru, Fidelis Leite Magalhães. Foto Espesial

Jornalista Jaime Pires / Editór Noémio Falcão

DILI (Timor Post)—Primeiru Ministru Taur Matan Ruak iha loron Kuarta (01/09/2021) labele hala’o nia funsaun tanba konfirmadu pozitivu moras daet COVID-19. Ho nune’e, Vise Primeiru Ministru ba Assuntu Ordenamentu Teritoriál, José Reis maka lidera Konsellu Ministru.

Iha reuniaun Konsellu Ministru ne’e foti ona desizaun estende medida konfinamentu obrigatóriu iha Munisípiu Dili to’o loron 9/09/2021. Antes ne’e desizaun aplka medida ne’e to’o loron 3/09/2021.

“Deside extende tan Komfinamentu Domisialiariu ho durasusn loron 7 no sei kontinua iha fulan setembru tinan ne’e ” dehan Ministru Prezidensia Konsellu Ministru iha Ministériu Finansas Kurta (01/09)

“Regras nafatin, vasina dala rua mós labele viajen. Hela lai iha uma maibé aumenta de’it mak fó livre ba sira ne’ebé ba halo resensiamentu eleitorál,” Ministru Prezidensiál Konsellu Ministru, Fidelis Leite Magalhães ba Jornalista hafoin reuniaun konsellu ministru iha Edefísiu Ministériu Finansas, Aitarak-Laran, Dili.

Nia hatutan, resensiamentu eleitoral mós hala’o iha Munisípiu, Postu ka Suku sira ne’ebé mak besik.

Dadaun ne’e Sentru Integradu Jestaun Krize (SIJK) rejista ona kazu ema mate hamutuk 64 no kazu komfirmadu foun kada loron sa’e.

No More Posts Available.

No more pages to load.