Taur Louva Xanana iha Luta Kontra Atake Pesti Corona

by -102 views

Timor Post (11/08/2020)-Primeiru Ministru, Taur Matan Ruak, louva lider Karizmátika,  atuál Prezidente Partidu CNRT,  Kay Rala Xanana Gusmão, tanba molok governu husu Prezidente Repúblika dekreta estadu emerjénsia ba faze dahaat, Xanana fo ona mensajen kona-ba prevensaun.

“Ha’u iha ne’e hakarak louva maun Xanana nia jenerozidade, governu seidauk aprezenta estadu emerjénsia, nia mak husu uluk ona, ezije ona. Ha’u kuandu to’o fali ha’u-nia uma, ha’u-nia oan sira dehan hanesan ne’e, avo Nana diz feixa a fronteira, porque vocês continuar abrir. Avo Nana dehan taka, nusa mak imi loke nafatin”, PM Taur informa ba deputadu sira iha debate deklarasaun ba implementa estadu emerjénsia ba faze dahaat iha parlamentu nasionál Tersa (11/08).

Entretantu pedidu estadu emerjénsia dahaat Governu liuhosi Konsellu Ministru hato’o ba prezidente iha loron 3 Fulan Augustu.

Maski iha loron 5 fulan Agostu Prezidente da Repúblika dekreta EE-IV to’o loron 4 fulan Setembru, maibé konfirmasaun votus EE-IV Parlamentu Nasionál foin halo iha loron 11 Fulan Agostu ho votus afavor 40, kontra 0 no abstensaun 17.(Jornalista Julio Salinas Soares)

No More Posts Available.

No more pages to load.