Suporta Negosiante TELKOMCEL Lansa My Food

by -90 views
Ilustrasaun.

Reportajen Rosa Garcia

 DILI (Timor Post) – Kompañia TELKOMCEL  ohin (21/06) hahu lansa aplikasaun Dijital ho naran MyFood, hodi Suporta Negosiante Mikro ( Ki’ik) no mediu iha Timor-Leste, iha ambitu hasoru surtu Covid-19.

Iha komunikadu imprensa ne’ebé Timor Post asesu, Domingu (20/01), informa, Surtu Covid-19 ne’ebé agora daudaun afeita hela mundu global to’o ohin loron, ne’ebé fó impaktu boot ba ita nia movimentu atividade ne’ebé limitadu tebes, hanesan mós akontese iha nasaun boot sira seluk ne’ebé koñesidu ho lia fuan lockdown.

Relasiona ho surtu Covid-19, Governu Timor-Leste rekomenda ona desizaun “Estado da Emergensia” ne’ebé mak aktividade ekonomia no negósiu sira tenke obrigatório hala’o servisu husi uma, tamba ne’e movimentu ekonomia komunidade nian limitadu tebes ne’ebé fó impaktu boot iha setór negósiu sira, liu-liu negosiante mikro, ki’ik no mediu sira. Responde ba situasaun hirak ne’e, Telkomcel hanesan kompañia telekomunikasaun iha Timor-Leste ne’ebé hanesan parte husi Telkom Group inisiativa hamosu produtu MyFood, aplikasaun hodi fasilita restorante mikro, ki’ik no Mediu sira iha kapitál Dili hodi dezenvolve no promove transaksaun liu husi maneira Dijital dahuluk iha Timor-Leste.

Telkomcel hanesan operador telekomunikasaun subsidiariu husi kompañia Telin, Telkom Group iha Timor-Leste rekoñese katak Timor-Leste hanesan nasaun ne’ebé dezenvolvidu no nia jerasaun milineal ativu tebes iha utilizasaun teknolojia, tanba ne’e MyFood bele sai hanesan aplikasaun ne’ebé suporta movimentu ekonomia iha situasaun estadu emerjénsia

CEO Telkomcel,  Yogi Rizkian Bahar subliña katak “MyFood hanesan parte foun ida husi aplikasaun MyTimor uniku atu ajuda negósiu UMKM (*sigla Indonezia, negósiu mikro, ki’ik no mediu), liu-liu hanesan negósiu restorante iha Timor-Leste iha tempu surtu Covid-19. Antes ne’e ami lansa ona MyTimor hanesan aplikasaun motorizada no taxi online hodi fasilita no tula pasanjeiru no mós manda sasán sira ba dahuluk iha Timor-Leste. Ida ne’e hanesan inovasaun dijital ne’ebé oferese husi kompañia Telkomcel hahú husi fulan Dezembru tinan 2020. Ho servisu MyFood, signifika katak aplikasaun MyTimor la’ós de’it bele manda sasán, maibé bele mós manda hahan to’o iha kliente nia uma oin”, afirma nia.

Subliña tan , aplikasaun MyTimor rasik iha ona kresimentu ne’ebé rapidamente ba nia utilizasaun (user), dezde inisiu to’o agora iha ona kresimentu (growth) 80.3%. MyTimor mós servisu hamutuk ho ajente transporte lokál no oferese oportunidade ba komunidade sira ne’ebé mak hakarak servisu nu’udar motoristas (driver) ba motorizada no taxi ho nia kresimentu (growth) motoristas 17%. MyTimor iha ona parte MyFood atu fasilita negósiu restorante sira iha kapitál Dili hodi desenvolve no hasa’e transaksaun liu husi maneira dijital.

Fasil ba kliente sira hodi hameno hahan husi ne’ebé de’it no banhira de’it. MyTimor mós kolabora ona ho 80 restorante hirak ne’ebé hetan ona sertifikadu iha Timor-Leste liu-liu iha kapitál Dili. Prezensa MyFood hanesan más responsavel sosiál husi kompañia Telkomcel ba komunidade Timor-Leste liu-liu ba negósiu iha nivel mikro, ki’ik no mediu sira, tanba dadus no peskija hatudu katak dezenvolvimentu ne’e mikro, ki’ik no mediu sira hanesan pillar ekonomia komunidade nian no sei ajuda mós hasa’e kresimentu ekonomia no rekoperasaun ekonomia nasionál. (Lee nutisia seluk iha jornal Diariu Timor Post)

No More Posts Available.

No more pages to load.