STAE Fahe Formulariu Votasaun Paralelu ba Estudante UNTL

by -340 views
Dekanu Fakuldade Ciensia Sociais, UNTL,Camilo, Ximenes Foto TP: Cardenio Alves

(Reportajen Cardenio Alves/Editor Mateus da Cruz)

DILI (Timor Post)- Sekretariadu Tekniku Administrasaun Eleitoral (STAE), entrega formulariu rekizitus votasaun paralelu ba Universidade Nasional Timor Lorosa’e (UNTL), hodi fahe ba estudante sira ne’ebe lakohi ba vota iha munisipiu.

“STAE fo formulariu atu Estudante sira bele rejistu no halo votasaun paralelu liu-liu Fakuldade Ciensia Sociais, tanba Barak mak Mai husi munisipiu sanulu-resin-rua hamutuk ho RAEOA, formulariu sira nee, Laos obrigatoriu ba Estudante Sira, maibe posivel ba Sira, karik Estudante Sira hakarak ba tuir votasaun iha Sira Nia munisipiu la iha Problema, hatete Dekanu Fakuldade (FCS), Camilo Ximenes, iha edifisiu Faspol, Kaikoli, Sesta, (3/03).

Nia hatete, formulariu ne’ebe STAE fo mai estudante sei prienxe hosi estudante sira rasik no hafoin ne’e sei entrega fali ba STAE hodi halo verifikasaun nune’e hodi hatene total nain hira maka hakarak vota iha Dili.

Dekanu ne’e hatete, formulariu hirak ne’ebe STAE fahe ona sira sei distribui ba estudante hahu loron ohin.

Entretantu Diretór Jerál Sekretariadu Tékniku Adminitrasaun Eleitorál (STAE), Acilino Manuel Branco, hatete, daudaun ne’e dadus provizoriu eleitor sira nebe atu vota iha sentru paralelu hamutuk 1.600.

“ita rejista ona eleitór provizóriu hamutuk 1.600, agora ami sei verifika no iha tempu badak sei taka sai iha  sentru votasaun paralelu sira iha Dili,”nia dehan. (Lee notisia seluk iha jornal Timor Post/asesu you tube Timor Post)

 

No More Posts Available.

No more pages to load.