Somocho defende atuasaun PSIK hasoru Reprejentante Masa Kontra Esbosu Lei KD

by -464 views

Timor Post (12/08/2020)- Prezidente Komisaun A Parlamentu Nasionál, José Agostinho Sequeira Somotxo, konsidera atuasaun Adjuntu Komandante Polísia Sientífika Investigasaun Kriminál (PSIK) Adino Cabral, ba delegasaun Front Mahasiswa Timor-Leste (FMTL), iha Ministériu Justisa iha loron 4 Agostu, atu impoin kompeténsia seguransa nian iha instituisaun estadu.

“Konforme ha’u akompaña situasaun, FMTL nia delegasaun ne’e grupu boot, ema liu nain-20 entaun ne’e signifika ameasa ba instituisaun, tanba ne’e mak dala ruma ho delegasaun númeru ne’ebé barak liu, mak PSIK impoin kompeténsia”, hatete Eis Gerrilleiru Somotxo, ba jornalista sira iha Parlamentu nasionál, kuarta (12/08).
Nia repete intervensaun PSIK hasoru reprezentante FMTL ne’e hanesan seguransa ba edifísiu ka instituisaun governu nian.

“Ida-ne’e faz parte ona ba iha seguransa edifísiu nian ka instituisaun PSIK nian tanba edifísiu ne’e la’ós bazaar para ita tama arbiru de’it ho forsa”, hatutan eis Ministru Defeza.

Tuir deputadu, kuandu presiza atu bá hasoru Ministru ida tenke delega tuir regras ne’ebé iha, kuandu delega ema barak konserteza seguransa tenke uza nia kompeténsia hodi impoin.

Enkuantu iha loron 4 fulan Agostu reprezentante FMTL hamutuk 13 maka marka prezensa iha edifísiu Ministériu Justisa atu husu ministru kansela ezbosu Kriskriminaliza Difamasaun (KD) tanba ezbosu refere aprova sai lei sei hamate liberdade espresaun no liberdade imprensa iha Timor-Leste Nasaun Demokrátiku.(Jornalista Julio Salinas Soares)

No More Posts Available.

No more pages to load.