Soldadu Amerikanu-Timoroan Partisipa Ezersísiu Konjunta

by -30 views
Embaixadór Amerika iha TL, Kevin Blackstone akompañia hosi Komandante Xefe Estadu Maiór F-FDTL Koronél Calisto Santos “Coliati” iha Ezersísiu Konjunta Dahuluk forsa Tereste. (Foto Media Embaixador EUA)

(Reportajen Olga Soares)

DILI (Timor Post) – Atu parseria entre Soldadu husi Estadus Unidus no Falintil-Forsa Deveza Timor-Leste (F-FDTL) metin no klean liu tan, maka sei realiza exersísiu konjunta Dalan ba Dame 21 (DbD21).

“Ezersísiu dalan ba Dame ezemplu importante ida kona-ba parseria ne’ebé metin no klean liu tan entre Estadus Unidus no Timor-Leste,” Embaixador Kevin Blackstone hateten liu hosi komunikadu imprensa ne’ebé Timor Post asesu hosi ofisiál Média Embaixadór Estadus Unidus Amerika iha TL, Segunda, (26/7/2021).

Embaixadór Amerika iha TL, Kevin Blackstone foto hamutuk ho soldadu Amerikanu no F-FDTL iha Ezersísiu Konjunta Dahuluk forsa Tereste. (Foto Media Embaixador EUA)

Embaixador Kevin esplika, soldadu husi Estadus Unidus no F-FDTL sei partisipa iha exersísiu Dalan ba Dame 21 (DbD21) husi loron 26 Jullu to’o 6 Agustu 2021 iha baze Komponente Terrestre F-FDTL nian iha Baucau, Timor-Leste.

Katak Embaixador Kevin, DbD21 marka tinan dahuluk ezersísiu forsa Terrestre entre Estadus Unidus no Timor-Leste nu’udar parte ida kontinuisaun ezersísiu bilateral ne’ebé deseña hodi promove paz no siguransa rejional.

Diplomata ne’e salienta, ho partisipausaun iha formasaun konjunta ne’e, sei servisu hamutuk infrenta ho susesu dezafiu komun sira no iha tempu hanesan sei promove siguransa rejionál no internasionál.

“Ha’u hakarak agradese ba Governu Timor-Leste ne’ebé permiti ezersísiu ida ne’e la’o ho seguru durante pandemia ida ne’e,” Kevin Blackstone, subliña.

Tanba ne’e ezersísiu ne’ebé patrosinadu husi Forsa Militar Pasífiku EUA ne’e involve soldadu Amerikanu nian 70 no F-FDTL nain 150 ne’e sei hadiak sira nia kapasidade interoperabilidade no interkámbiu kultural.

Formsaun ne’e sei hahu ho fahe esperiensia husi espesialista sira no semináriu dezenvolvimentu profesional ne’ebé sei foka liu ba abilidade básiku infantaria, operasaun siguransa hanesan; kontrolu pontu tráfiku, jestaun detensaun iha nivel kompañia no nivel ki’ik sira seluk.

Durante hela iha Timor-Leste, Forsa Militar EUA sei halo tuir rekerimentu no guiaun Covid-19 nian.(Lee notísia seluk iha jornál Timor Post)

No More Posts Available.

No more pages to load.