Situasaun Polítika Kompleksu, Angela Freitas Rekandidata Tan

by -722 views
Prezidente Partidu Traballista Timor (PTT), Angela Freitas

(Jornalista Jaime Pires/Editor Estajiadu Hermenigildo Tilman)

DILI (Timor Post) – Prezidente Partidu Traballista Timor (PTT), Angela Freitas deklara ninia rekandidata ba Prezidente Repúblika, tanba haree ba situasaun polítika iha rai laran ne’ebé kompleksu tebes.

“Ha’u kandidata an, tanba haree situasaun polítika ne’ebé mak kompleksu tebes. Presiza duni mudansa. Ho apoiu jerasaun foun, Timor-Leste presiza duni figura foun hodi mai ho pájina foun”, nia dehan hafoin deklara ninia re-kandidatu, iha nia fatin, Bairru dos Grilhos, Kinta (20/01/2022).

Nia hatete, dadaun ne’e ema hamutuk rihun 12 mak asina ona hodi fó apoiu ba nia kandidatura ba Prezidente Republika. Nune’e, semana oin, Segunda (24/01/2022), sei lori ba tribunal hodi rejistu ninia kandidatura ne’e.

“Ha’u fiar ba eleisaun Prezidensiál 2022-2027 ne’e sei manán iha primeiru ronde de’it. Segundu ronde sei la iha. Ha’u garante, kandidatura sira sei manán iha primeiru ronde de’it”, nia hateten ho fiar an hodi hatutan.

Hosi ne’e maka enkoraza Angjela hodi kontinua kompete nu’udar dirijente polítika jerasaun foun para konstrui nasaun ne’e ba oin.

Katak Eis Deputada ne’e, iha ona misaun atu servisu hamutuk ho Prezidente Partidu CNRT, Kay Rala Xanana Gusmão para hatuur hikas konstituisaun liu hosi meius reunifikasaun. Liu-liu dizolve Parlamentu Nasionál no entrega ukun ba Xanana Gusmão hodi forma governu enjestaun. (Lee Jornál Timor Post/Asesu You Tube Timor Post hodi hetan informasaun ne’ebé kredibel)

No More Posts Available.

No more pages to load.